金鶴拉麵 (利民大廈)

Open Now

Now Closed

同FD行街，睇到哩間拉麵唔錯，咁試試啦。哩間店鋪裝修得幾有日本特色，晚市提供數款拉麵選擇，仲有期間限定拉麵提供。不過FD宜家食緊中藥，唔方便食蠔，所以揀咗普通拉麵。可樂，食拉麵配汽水一流。日式餃子，一份有4隻，餃子煎得脆啵啵，食落好juice，唔洗點醬已經好夠味。黑蒜醬油拉麵，拉麵好豐富，有雞肉，叉燒，流心蛋同紫菜。醬油湯底好清爽，拉麵係彈牙果款，食落好爽口。明太子手羽毛先，一份兩隻，雞皮炸得好香口，裡面爆曬汁水，明太子同雞翼好夾，好味。照燒免治雞肉，雞肉串好大一串，裡面仲有少少脆骨，食落口感好豐富，照燒醬唔錯，好惹味。照燒黑豚肉腸，估唔到黑豚肉腸好大一件，食落肉味好香，唔係出面好多麵粉果款，OK。求其食嘅一餐，真係唔錯，仲見到可以外賣自取，可以推薦比住旺角啲FD。