Video
Read full review
2024-08-07
294 views
今次去旺角食韓燒，預先向Openrice買咗個90分鐘嘅Lunch放題 ($206)，揀咗Lv2，多9款海鮮食，另外因為訂咗係四位，四位又送多份醬油八爪魚。肉類選擇都幾多，豬牛雞唔同部位加加埋埋有14款咁多，雖然試唔哂，但今次食過嘅整體質素都唔錯。特別推介牛肋骨同韓式牛肉，牛肋骨比起出面食到嘅淋身軟嫩D，佢同韓式牛肉嘅調味都幾正👍 雞軟骨係骨連少少肉咁，另外燒烤爐火大細啱啱好，容易控制，豬頸肉是但燒都燒得幾香。海鮮有9款分別係： 八爪魚、青口、海墨魚、白蜆、海魷魚、墨魚咀、魷魚鬚、翡翠螺同多春魚。 個人幾鐘意白蜆、翡翠螺同多春魚。白蜆海水味重，翡翠螺爽口多肉。 多春魚一向點燒都正，但容易痴板，燒完記得去返點餐頁面揀要換燒烤板。附送嘅醬油八爪魚比想像中多，味道同口感都ok。提提大家呢個係四位先送ja。另外冇諗到出面自助拎嘅配菜都幾正，有辣蟹仔、辣魷魚醬、海帶等，味道幾似韓國。 除咗前菜，出面做有各式蔬菜同菠蘿可以燒。不單止配菜，韓式小食都十分出色❗️泡菜煎餅食落脆口、蛋卷同粉絲都ok、炸物類熱辣辣好脆。 叫紫菜包飯仲可以揀食素/豬/牛/雞，幾貼心。炸雞幾大件，食落仲有少少脆，想講個芝士粉味
今次去旺角食韓燒，預先向Openrice買咗個90分鐘嘅Lunch放題 ($206)，揀咗Lv2，多9款海鮮食，另外因為訂咗係四位，四位又送多份醬油八爪魚。
肉類選擇都幾多，豬牛雞唔同部位加加埋埋有14款咁多，雖然試唔哂，但今次食過嘅整體質素都唔錯。
特別推介牛肋骨同韓式牛肉，牛肋骨比起出面食到嘅淋身軟嫩D，佢同韓式牛肉嘅調味都幾正👍
雞軟骨係骨連少少肉咁，另外燒烤爐火大細啱啱好，容易控制，豬頸肉是但燒都燒得幾香。
海鮮有9款分別係： 八爪魚、青口、海墨魚、白蜆、海魷魚、墨魚咀、魷魚鬚、翡翠螺同多春魚。 個人幾鐘意白蜆、翡翠螺同多春魚。白蜆海水味重，翡翠螺爽口多肉。 多春魚一向點燒都正，但容易痴板，燒完記得去返點餐頁面揀要換燒烤板。
附送嘅醬油八爪魚比想像中多，味道同口感都ok。提提大家呢個係四位先送ja。
另外冇諗到出面自助拎嘅配菜都幾正，有辣蟹仔、辣魷魚醬、海帶等，味道幾似韓國。 除咗前菜，出面做有各式蔬菜同菠蘿可以燒。
不單止配菜，韓式小食都十分出色❗️泡菜煎餅食落脆口、蛋卷同粉絲都ok、炸物類熱辣辣好脆。
叫紫菜包飯仲可以揀食素/豬/牛/雞，幾貼心。炸雞幾大件，食落仲有少少脆，想講個芝士粉味炸雞調味同我向韓國食收幾似😍
飲品方面，有汽水機、柚子蜜同熱茶選擇。 當然唔少得甜品，有雪糕、泡芙同brownie。 雪糕係vanilla味，少少偏向雪芭feel嗰種，泡芙入面係有雪糕，幾驚喜。
Post
