Video
Read full review
2024-03-23
19 views
早兩晚試左旺角moko 隔離洗衣街有間文青Cafe覺得好食唔算貴又大份有誠意,甜品同飲品都好出色，可以分享下. 店舖以白色做主調裝飾簡約樓底好高，有植物及畫作等點綴，主要提供輕食、咖啡、甜點等俾都市人忙裏偷閑. 估唔到平日夜晚都咁多人，幾熱鬧. 都係臨走見冇乜人先有機會影返張相. ⭐️凍菠蘿汁黑咖啡🍍☕️Fruity嘅long back難得有一定要試吓. 有一片厚厚鮮菠蘿散發新鮮果香，仲有濃郁咖啡豆香. 面層係甘甘地嘅黑咖啡，下面嗰層係菠蘿汁好香甜，攪勻之後又變咗另一種飲法，一杯嘢有三種飲法夠晒多元化. ⭐️開心果奶😃🥛綿滑醇厚鮮奶上灑上開心果粒. 唔會太甜. 每啖都有果仁香味好正. 粉綠色底色加埋拉花打卡好靚. 飲完心情都開心啲. ⭐️黑白芝麻溫泉蛋凱撒沙律🥗好大份，沙律菜好爽麵包糠好脆仲有鹹香煙肉撈埋雞蛋同埋芝麻糖芝士碎好開胃. ⭐️煙三文魚配以酸包多士🐟賣相精美，估唔到三文魚嘅份量咁多，啖啖肉夠肥美鮮味，仲有煙熏咸香味，配埋新鮮蔬菜同埋醃洋蔥，滴埋檸檬汁，更添清新，酸包多士烘到香脆，夾埋一齊食夠滋味. 夠健康食多多都唔怕肥. 好啱夏天食. ⭐️慢煮黑蒜牛面肉燉意大利飯牛面肉煮得好腍好入味黑蒜
⭐️凍菠蘿汁黑咖啡🍍☕️
Fruity嘅long back難得有一定要試吓. 有一片厚厚鮮菠蘿散發新鮮果香，仲有濃郁咖啡豆香. 面層係甘甘地嘅黑咖啡，下面嗰層係菠蘿汁好香甜，攪勻之後又變咗另一種飲法，一杯嘢有三種飲法夠晒多元化.
⭐️開心果奶😃🥛
綿滑醇厚鮮奶上灑上開心果粒. 唔會太甜. 每啖都有果仁香味好正. 粉綠色底色加埋拉花打卡好靚. 飲完心情都開心啲.
⭐️黑白芝麻溫泉蛋凱撒沙律🥗
好大份，沙律菜好爽麵包糠好脆仲有鹹香煙肉撈埋雞蛋同埋芝麻糖芝士碎好開胃.
⭐️煙三文魚配以酸包多士🐟
賣相精美，估唔到三文魚嘅份量咁多，啖啖肉夠肥美鮮味，仲有煙熏咸香味，配埋新鮮蔬菜同埋醃洋蔥，滴埋檸檬汁，更添清新，酸包多士烘到香脆，夾埋一齊食夠滋味. 夠健康食多多都唔怕肥. 好啱夏天食.
⭐️慢煮黑蒜牛面肉燉意大利飯
牛面肉煮得好腍好入味黑蒜味好香，面頭有芝士薄片夾埋食味道更豐富. 慢煮夠健康原汁原味又唔會流失營養. 溶溶芝士配合軟硬度適中意大利飯好Creamy.
⭐️伯爵茶雞蛋布甸
布甸有柚子皮同埋香草做裝飾仲有忌廉灑上伯爵茶粉. 好靚. 食落好清新聞落食落都有濃濃伯爵茶香味，雞蛋味好香，布甸質地咬落Q彈入口溶化，食落唔太甜又甜中帶甘，平時唔多好甜品嘅男士都啱呀.
誠意推薦俾大家去開就試吓啦😋❣️
Post
