三一餃子 (通菜街)

Open Now

Now Closed

經開旺角，見呢間餃子幾多款式，仲有不同小食，環境又幾企理，唔洗等位，一於試試😋餃子有6-7款口味，可以選煎、蒸或湯，另外仲有日式煎餃子，湯餃有3款湯底揀，好多樣化。餃子可以加$4雙併，試多啲款。今日試左關東煮、招牌餃、醉雞餃同埋黑白松露湯餃。關東煮有驚喜，材料豐富，有冬菇、蘿蔔、墨魚丸、竹輪卷、魚蛋角、流心蛋，全部全好好味。餃子size 比較小，可以考慮加烏冬或米線。醉雞餃酒味都特出，唔錯。招牌餃係豬肉餡入邊有啲菜，都好食嘅，不過就普通啲。選左一碗芫茜湯底，色澤翠綠，有好多芫荽碎，但入口味道比預期淡，類似中式芫荽魚片湯嗰陣味，屬於清淡湯底。我最鍾意係黑白松露餃，勁香勁好食，其他店舖揀松露通常都要加洗，呢間唔洗勁抵食。呢碗揀咗豆乳蝦湯，鮮味唔過咸，雖有一層蝦油浮面，但實際飲落都唔油膩。整體而且都唔錯，會再黎試其他款式。