泰廚泰國菜館

Open Now

Now Closed

之前一直想食呢間，但每次都好多人好爆滿，只好食串燒外帶，串燒已經夠吸引，好好味，今次特意捉早6:30黎食，終於唔使等位啦。泰式青檸梳打 $20/杯，先叫個梳打順一順喉嚨，用泰國的梳打水加入青檸與糖水中，酸酸甜甜又多氣，好醒神清爽。泰式炸蝦餅併炸魚餅 $72，必叫小食。即叫即炸夠哂熱，炸衣酥脆香口，咬落唔乾。蝦餅超彈牙好爽口，蝦味突出。炸魚餅更加驚喜，加入青口好爽脆，魚餅加了很多泰式香料，不腥又夠香。兩者都做得好好味。泰式和牛串 $20/串，每串都有三粒和牛，價錢抵食。 串燒和牛燒得剛好，很柔嫩好咬，未至於入口即溶。不但沒筋位，牛味更是非常濃郁。上面的香料醬汁似生蝦的醬汁味，好夾和牛串燒，更有泰式風味。泰式咸魚炒椰菜苗 $78，未食過椰菜苗，但友人推介所以就點了。原來質感更椰菜嫩一點，但仍然有爽脆感的，加了咸魚來炒更香更惹味，份量也很多，只係偏油膩。泰式炒金邊炒 $68，比想像中細碟，賣相也不夠吸引，蛋碎只有一點點，雖然炒得夠乾身，但也太硬易痴成一團，味道就是好重茄醬味，配料也偏少。