一鍋堂 (XX Arcade) (Closed)

啱啱病到五顏六色，都差唔多好返啦，近排食得太清淡，而家口寡寡，好想打邊爐。醒起旺角有一鍋堂，即刻上去。真係未有胃口食肉住，所以今日主打一個任食前菜，涼品，麵食，任飲飲品既火鍋先。呢個價錢特別優惠，所以好多人黎食，大排長龍。自助區放係門口處，集中方便大家去拎野食，涼拌菜式勁多選擇，仲有冷麵同泡菜。好開胃架。湯底有成15選擇，有辣有唔辣。一定有一款啱你口味。蔬菜全部放晒喺雪櫃度保鮮，啱晒都市人平時食得少菜，今次一次過食返晒！醬料區同埋甜品區域都非常之乾淨，侍應常常清潔。特別一提嘅係呢一度有MAMA麵，好少火鍋店有呢款麵，仲有好多款，任君選擇。