為食魚海鮮火鍋專門店 (Closed)

為食魚海鮮火鍋專門店這陣子蕉蕉的雞煲火鍋癮勁重，這晚終於約到fd有得食😂，不過，天公不作美，這晚下着傾盆大雨，我的朋友不小心在餐廳門口跌倒，大家在天雨路滑的情況下一定要小心。麻辣雞煲 $78/半隻 「原價$118，期間限定優惠」雞煲醬汁濃郁惹味，雞件不少，我地叫左BB辣，食落夠麻夠香，雞件肉質挺嫩滑，$78係好抵食的！之後加湯打邊爐，叫左墨膠奶皇包、黑松露蝦餃👍🏼、特級安格斯手切肥牛👍🏼、即炸響鈴、豬下青等。蕉蕉覺得最正既係黑松露蝦餃及特級安格斯手切肥牛，蝦餃的黑松露味挺突出，而且調味剛好，餡料夠鬆化新鮮。手切肥牛牛味濃香，嫩滑美味，脂肪分佈平均，確是不錯，又係必點的。即炸響鈴鬆脆香口，餐廳剛剛新鮮炸好，色澤金黃香脆，蘸雞煲醬汁吃，極之惹味過癮。總括來說，這間餐廳的食物質素不錯，而且服務非常好，店員時不時都會過來幫我們調較火候，亦會提醒我們食物的適當煮食時間，另外，提提各位$78雞煲優惠唔知幾時完，想食就要先打去問問預約。------------------------------為食魚海鮮火鍋專門店 (旺角)旺角白布街4號地舖