Video
Read full review
2024-08-30
198 views
說來慚愧，全世界都同我講話牛大人好食，但唔知點解一直都冇去食。最近聽朋友講話牛大人有Dreyer’s任食，仲要有開心果味，所以真係扚起心肝訂位，食完之後覺得朋友果然冇介紹錯，啲牛肉同配料都相當高質。我自己嗌咗阿嬤養生濃湯鍋，個湯底好舒服而且好甘甜，真係食完都唔會爆暗瘡。‣ 澳洲極上和牛 $328· 澳洲M9和牛牛丸平時唔鍾意食牛丸嘅我，咬落去嘅第一啖真係諗返起瀨尿牛丸，相當之多汁，而且你食得出係好足料，好香嘅牛肉味而唔係啲麵筋嘅味道，果然係要課金先可以叫多幾碟嘅牛丸。· 澳洲和牛M5牛肩卷 & 美國SRF黑牛後腿肉我覺得前者個肉質相對上柔軟啲，油花相當均勻，所以一啖接一啖都唔會覺得油膩，可以食好多塊。至於黑牛後腿肉就寫住喺期間限定，自己都覺得咬落去嘅時候好香，相對上彈牙少少，但係口感都依舊好嫩滑。· 手切封門柳如果你鍾意食肉香味重啲，絕對絕對要叫封門柳。我自己鍾意薄身啲，可以蘸醬食，但肉味最濃郁真係非封門柳莫屬。雖然論鬆軟嫩滑及唔上牛肩卷同後腿肉，但係散發嘅香味一定係最勁，而且入口嗰陣都唔覺得佢好韌。作為稀有部位，唔叫多啲嚟食真係對唔住自己。· 鹽酥雞平時自己去台灣都會叫鹽酥雞，食嘅第
‣ 澳洲極上和牛 $328
· 澳洲M9和牛牛丸
平時唔鍾意食牛丸嘅我，咬落去嘅第一啖真係諗返起瀨尿牛丸，相當之多汁，而且你食得出係好足料，好香嘅牛肉味而唔係啲麵筋嘅味道，果然係要課金先可以叫多幾碟嘅牛丸。
· 澳洲和牛M5牛肩卷 & 美國SRF黑牛後腿肉
我覺得前者個肉質相對上柔軟啲，油花相當均勻，所以一啖接一啖都唔會覺得油膩，可以食好多塊。至於黑牛後腿肉就寫住喺期間限定，自己都覺得咬落去嘅時候好香，相對上彈牙少少，但係口感都依舊好嫩滑。
· 手切封門柳
如果你鍾意食肉香味重啲，絕對絕對要叫封門柳。我自己鍾意薄身啲，可以蘸醬食，但肉味最濃郁真係非封門柳莫屬。雖然論鬆軟嫩滑及唔上牛肩卷同後腿肉，但係散發嘅香味一定係最勁，而且入口嗰陣都唔覺得佢好韌。作為稀有部位，唔叫多啲嚟食真係對唔住自己。
· 鹽酥雞
平時自己去台灣都會叫鹽酥雞，食嘅第一啖都覺得心心眼，外酥內嫩，肉質絕對唔係嚡口，如果唔係今次嚟食牛肉，搭配埋滷肉飯真係一流。而且我覺得佢嘅調味啱啱好，啲椒鹽唔會話好重手，真係少少鹹卜卜脆。
·蟹籽墨魚醬 & 黑松露海鮮醬
我自己超級鍾意個蟹籽墨魚醬，相當之彈牙爽口，但同時你係會食到片片墨魚肉。同埋睇住佢漆黑嘅外表，已經先入為主覺得香過其他丸類。至於黑松露佢寫住喺期間限定，食咗第一啖都覺得好驚艷，真係好濃郁嘅黑松露味。如果唔係要留肚食牛肉嘅話，我一定會嗌多幾條。
· 仙草凍
喺食雪條之前，點樣都嗌一碗仙草凍試吓，發現都相當之驚喜，完全唔係敷衍做嘅甜品。仙草質地滑溜，而搭配嘅花奶都啱啱好，佢仲有一啲珍珠作配料，而我好鍾意中間嘅花生，令到成碗仙草凍更加香。最後當然唔少得Dreyer’s雪糕，飽到捧住個肚我都要食兩條，最正就係有開心果口味，食完唔夠喉拎多支士多啤梨。
Post
