牛大人台灣火鍋吃到飽 (瓊華中心)

Open Now

Now Closed

日本黑毛和牛A4+吃到飽 $498/位為慶祝牛大人五週年，不計成本推出日本黑毛和牛A4+吃到飽套餐，你食得落就可以無限encore 日本黑毛和牛A4+同伊比利亞黑毛豬梅肉‼️有圖有真相，碟碟和牛都有雪花，仲有一定厚度，絕對係高級靚牛🤤日本黑毛和牛A4+依款頂級和牛絕對係物超所值，食到2碟必定回本。肉質鮮嫩多汁，油花分布均勻，入口即化，搭配湯底的鮮味，讓人一試難忘。伊比利亞黑毛豬梅肉黑毛豬梅肉的口感柔滑，脂肪分佈恰到好處，帶有濃郁的肉香。煮熟後更是吸收了湯底的精華，讓人欲罷不能。日本和牛套餐獨有鮮甜鮑魚、古法醉鮑魚、炭燒鹽蔥鮑魚、柚子燒汁鮑魚，全部都可以仼食，點揀好呢⁉️四款鮑魚各有特色。鮮甜鮑魚新鮮爽口，古法醉鮑魚則帶有酒香，炭燒鹽蔥鮑魚在烤製後散發出的香氣令人垂涎，而柚子燒汁鮑魚則增添了一絲清新的酸甜。我決定所有口味都試曬🫦阿嬤養生濃湯鍋依舊高質，湯底濃郁，使用多種香料熬製，配上鮮甜的各款蔬，喝上一口即可感受到溫暖與滋補，特別適合乾燥的天氣。牛大人必點靚肉/火鍋配料❤️ 花雕酒雞件❤️ 干貝鮮魚漿❤️ 高麗菜水菜❤️台灣直送水蓮台式小食❤️真豬小香腸❤️ 士林鹽酥雞❤️ 梅甘酥脆薯❤️ 豐原排骨酥依家H

𓄵 𓄵 𓄵最近「牛大人台灣火鍋吃到飽」為慶祝開業五週年，新推出「日本黑毛和牛A4+吃到飽套餐」 （$498/pp）。身為牛魔王，立即相約朋友去試試！日本黑毛和牛的肉質柔嫩，油花均勻而且有和牛獨有的奶香味，油潤不膩。現點選日本黑毛和牛A4+套餐，即送M9和牛牛丸及海鮮拼盤！和牛牛丸牛味香濃，爽口彈牙。海鮮拼盤包括肥美帆立貝、鮮甜蟶子和大大隻鮮鮑魚，足料豐富。除了日本黑毛和牛A4+吃到飽之外，還有伊比利亞黑毛豬梅肉和鮮鮑魚任吃。小食方面，古法醉鮑魚、炭燒鹽蔥鮑魚、柚子燒汁鮑魚，各有滋味！湯底方面，牛大人不停鑽研湯底推陳出新。今次點了招牌「台灣鳳梨雞鍋」。原隻大雞髀肉質鮮嫩，湯頭帶點鳳梨酸甜味道，清新解膩，推薦給大家。其他各樣火鍋配料、蔬菜、滷肉飯、飲品、Movenpick雪糕都是自助形式，食材仍舊保持高質素！五週年慶典還包括一連串優惠活動。我們讚好及追蹤了牛大人IG & FB專頁，被獲贈一杯「金鑽鳳梨椰奶西」，體驗很好，吃得好開心。𓄵 𓄵 𓄵

今次我地去左食一間相信香港人都唔陌生既台式牛肉火鍋放題店，呢間牛大人都有唔少分店，幾乎所有旺區都有，淨係旺角都有2間，我地就去左瓊華分店食😄佢有唔同價錢既餐，我地就食最貴既澳洲極上和牛餐，湯底就配單鍋，我食鴛鴦鍋就要加$50，而佢地唔同時段都有唔同價錢，我地夜晚9點後入坐會平少少🤓澳洲極上和牛餐（$308）21:00-23:00入座呢度好旺場，有卡位比較舒服，多人都會有圓枱，枱面有紙巾提供，我最支持😉首先要特別講下呢度既調味區有我好鐘意既腐乳醬，一般既打邊爐都冇腐乳提供，呢點我好印象深刻🥰牛大人可以話任何形狀既牛都有得提供，偏肥又有，少肥都有，牛筋，牛肚，牛肉漿，仲有一口牛肉粒，牛胸爽，當然就唔少得有牛丸啦，而佢地既澳洲M9和牛牛丸只有4粒，想再加要加錢逐碟叫，好有肉汁同牛味，同自助區既比，一食就知唔同，而我最鐘意食就係澳洲和牛M5牛肩卷，佢係比較肥瘦適中既靚牛😍其次就係海鮮，蝦，脆肉鯇，蜆都有，質素都唔錯，自助區都有多款唔同野食，丸類都有好多，菜類既凍豆腐同皇帝菜就係我最鐘意既🥬佢除左火鍋配料，當然唔少得台式小食，台灣腸，鹽酥雞，同埋梅甘酥脆薯，個脆薯幾好味🍠飲品方面外面雪櫃有唔同罐

牛大人台灣火鍋吃到飽旺角瓊華中心8樓今日約咗朋友喺旺角食飯， 朋友同我都係鍾意大吃大喝嘅人，朋友提議打邊爐，我當然贊成。兩人在彌敦道行走 ，去到瓊華中心，見牛大人台灣火鍋吃到飽就在今日7月4日由9樓轉去8樓開業，一於上去試新店，時間晚上7時店外已經人山人海等待入座，接待員提醒先揀湯底，安排座位湯底即刻奉上，我們先點牛大人紅燒牛骨鍋再選極上和牛吃到飽餐，可以揀最多款食物，仲有少爺啤由即日起至7月14日有限時買一送一優惠，啱晒朋友暢飲。先點了兩杯爆紅嘅香水檸檬茶及多款牛肉及食材，有SRF美國黑牛，安格斯牛小排，澳洲M5和牛肩卷，安格斯牛板腱，美國PRIME整級肩里肌，手切封門柳，海蝦，黑松露海鮮漿等等……真係剩食牛都有好多款，仲送M9和牛牛丸，彈牙牛味香濃。湯底用帶肉牛骨加紅棗·杞子·龍眼及多種配料淆製，濃濃牛骨湯又香又甜，試晒咁多種牛肉都覺得質素很好，自助區有醬料，多款食材，飲品任君選擇，仲指明7月4日起，全線牛大人會同dreyer's合作，晚市入座均可任揀任食多款雪糕。見到坐無虛席都知係有料到，任食火鍋呢間的確係高質，食材新鮮，種類豐富，上菜速度快，用QR code落單幾分鐘就食物送到

牛大人新出咗日本A4和牛牛吃到飽啊！$498一位，仲送一份極品海鮮拼盤，鮑魚、扇貝、蟶子、生蠔都非常大隻新鮮，正！呢個餐嘅重點當然就係無限追加日本和牛啦！比起其他舖頭嘅和牛任食，牛大人真係非常慷慨！每塊和牛都切到好似壽喜燒咁大塊，油花分布非常均勻，輕輕淥10秒就食得，入口即溶，大大塊入口，超級滿足！食呢個餐仲可以食到所有其他食物，好似澳洲M5和牛，美國安格斯牛小排等等，想試吓其他牛肉都可以，一樣好高質🤩除咗肉當然仲有海鮮，丸類，蔬菜，無限任食，自助區仲有大量唔同嘅飲品，仲有一樣啱你👍🏻 話明台式火鍋當然佢個湯底都非常有質素今日我就食咗養生湯同蕃茄湯，兩款都非常鮮味，打邊爐之前飲番幾啖就啱晒👍🏻食飽飽仲有Häagen-Dazs雪糕任食，性價比真係超高👍🏻👍🏻👍🏻

冬天黎到啦, 代表儲脂肪既日子要黎啦!!見今日凍凍地同老公去左牛大人食下放題暖下胃叫左個『日本黑毛和牛A4+吃到飽套餐』話得比你知係吃到飽梗係可以食到你唔想食!!!平時打邊爐一向追求食靚肉, 黑毛和牛真係大推~色澤紅潤, 而且脂肪分佈均勻, 當然唔好剝到全熟入口即溶而且牛味濃郁, 真係好少任食火爐可以比到呢種咁既滿意感我叫左呢個套餐仲有一份聖子, 帶子, 鮑魚~ 每人一隻, 唔夠既仲可以繼續點 鮑魚!鵝腸用其他野都正常~我覺得食落好爽口彈牙, 睇你中唔中意!!而且最重要係, 你想食幾多都可以任點, 絕對適合食肉獸人士大吃大喝!!黑毛豬梅肉比平時食開火鍋既豬肉唔同, 佢比較薄身而且食落唔會有陣騷騷味, 中意食豚肉既朋友都可以一試出面自助區既蔬菜好靚好新鮮, 唔會因為係任食既好求其, 推!!牛丸食落好實在, 唔似出面加左其他野咁林PAT PAT個人必食推介榜頭1-3位 – 水蓮平時係香港買一包水蓮已經唔平, 而且仲要有時唔新鮮, 呢度既水蓮新鮮而且爽口極致, 記得記得唔好剝咁耐啊!!爽口食最佳!個人必食推介榜頭1-3位 – 沙白呢個真係必食之一!!冇沙之餘仲要勁鮮甜, 每次黎牛大人都要食返

牛大人台灣火鍋吃到飽的「日本黑毛和牛A4加吃到飽」套餐，HK$488，餐廳最高級別的放題選擇。這個套餐提供高質量的日本黑毛和牛A4級別，肉質鮮嫩多汁，看一盤和牛上盤都已經食慾大開，入口即化的和牛，讓人回味無窮。除了和牛，這個套餐還包括各種豐富的火鍋配料和海鮮，如蟶子、扇貝、鮑魚和生蠔等，讓你在享受和牛的同時，也能品嚐到新鮮的海鮮美味。湯底選擇多樣，有麻辣鍋、魚白湯三文魚豆腐鍋等，滿足不同口味需求，我還品嚐了胡椒豬肚雞湯底，真的是半隻雞在火鍋之中，味道濃郁，誠意滿滿，讓人感受到滿滿的心意和用心。自助蔬菜區提供新鮮多樣的蔬菜和配料，還有Mövenpick雪糕任食，並且提供Kit Kat特別版雪糕，讓你在享受火鍋的同時，也能品嚐到美味的甜品。飲品方面，除了無酒精飲料任飲外，還有多款特色飲品如鴨屎香檸檬茶，而且轉了可水洗的膠杯裝，比以往環保多了。特別值得一提的是，每人還限定2粒M9和牛牛丸，這些牛丸非常好吃，牛味濃郁，彈牙可口，為這個套餐增添了更多美味和驚喜。餐廳還提供多款台式夜市小吃，如甜不辣、台灣腸、炸排骨和炸魚皮，同樣美味可口，讓你在享受火鍋的同時，也能體驗到台灣夜市的風味。

天氣凍最岩打邊爐，6點去食牛大人都已經爆座，記得要預早訂位！🔸日本黑毛和牛A4+吃到飽套餐🔸👉🏻每位$488未連加一星期五、六、日另加$10見到新攞出嘅日本黑毛和牛套餐任食真係好吸引😍唔洗飛去日本都食到咁高水準嘅和牛🥰🥰和牛嘅紋理好靚，脂肪比例剛剛好，簡單烚一烚已經食得，入口即溶🤤🤤牛味香濃真係超正❤️湯底有十幾款，台灣濃香蕃茄鍋加左大量蕃茄，酸酸嘅味道好開胃，d食材唔點醬都咁入味！放題套餐除左可以點黑毛和牛，仲可以點有十幾款肉類，包括：安格斯牛小排、手切封門柳、安格斯一口牛肉粒、澳洲和牛M5牛肩卷、西班牙豬梅片、五花片、紐西蘭羊肉卷等！套餐送左個海鮮拼盤，有鮑魚、聖子、帶子、生蠔，海鮮好新鮮，仲有其他任點嘅海鮮如蝦、鯇魚片、鯛魚片、沙白等等。其他火鍋配料仲有鴨血、花枝漿、水蓮、花膠、手工水餃、蛋餃等，真係多不勝數，每次食完都好滿足😚自助區仲有多款丸類、蔬菜、麵食、飲品、雪糕仲有必食嘅魯肉飯😊😊

今晚一行六人去瓊華中心牛大人開餐。去到都成10點，現場都仲好多人，好彩唔洗等位。入坐後叫左澳洲極上和牛餐。因為大家都好肚餓，個個都狼吞虎嚥。大家閑聊之間，都對啲野食讚不絕口，尤其係每次來嘅數量同質量都相當滿意。但但但是，食到最後，竟然無Movenpick雪糕🤬本身以為岩岩比人食完，所以我哋都係度等fill。越等越唔對路，分別搵左幾個職員問，3個都話無，其中有個仲話依家唔會fill架，雪櫃仲有雀巢。純粹個人習慣，出街食完飯之後多數會食埋甜品或者雪糕作為最後嘅總結。但今日食唔到心心念嘅Movenpick雪糕令我覺得意猶未盡。好少寫食評，希望幫助到牛大人進步，令消費者有更好嘅感受。

湯底夠多款式選擇，而且味道濃，夠味，我同朋友揀左蕃茄湯底及阿嬤養生湯底。可以手機落單嘅野食，每一碟上菜嘅份量都適量，都夠我地食得飽，同埋好食。最鍾意食炸午餐肉、油炸鬼。比較特別嘅一款丸係芋頭丸，裏面包住芋頭蓉，咸咸甜甜，係幾有趣嘅口感體驗不過我同朋友揀左最便宜嘅套餐，上嘅肉就中規中矩，可能我地掛住傾計，煮得太耐變韌咗飲品有多款可以任君選擇。而我同朋友最鍾意食甜品，所以見雪糕及雪條牌子及款式都多，唔錯唔錯！所以有機會下次會再食！備註：我地3個人，我地book左7點半食，出席左，獲得OpenRice 訂座積分。當中訂座不含任何優惠，訂位不含任何優惠碼。沒有獲得任何款待。

日本黑毛和牛A4+火鍋放題今次去了瓊華分店，環境優雅舒適，設計充滿現代感，燈光柔和。枱與枱之間都有足夠空間，坐得舒服A4黑毛和牛是最大的亮點，肉質鮮嫩，油花分布均勻，入口即化。除了和牛，還有各式新鮮海鮮、蔬菜和手工製作的丸類，讓人感受到食材的用心。火鍋湯底選擇多，有十款包括牛夫人秘方麻辣鍋、牛大人紅燒牛骨煱和台灣鳳梨雞鍋。三款都是推介湯鍋，每種湯底都能充分展現出食材的鮮味，特別是台灣鳳梨雞鍋，清爽不油膩。兩個人分別吃了四份A4黑毛和牛、兩份伊比利亞黑毛豬梅肉、鮮甜鮑魚、海蝦、沙白、水蓮、鴨血、美人花膠、澳洲和牛牛胸爽，還有熟食古法醉鮑魚、炭燒鹽蔥鮑魚和燒汁鮑魚，完全滿足了我吃鮑魚的慾望！高品質的和牛及新鮮食材，性價比非常高。所以吃了一次又一次！

不少朋友已經試過了，日本黑毛和牛A4+套餐，係打邊爐和牛嘅天花板，今日趁着早收工，約埋朋友一齊過嚟試除咗日本黑毛和牛A4+任食外，仲有海鮮拼盤，伊比利亞黑毛豬梅肉😋🌟日本黑毛和牛A4+日本黑毛和牛A4+以其豐富油花和細膩肉質聞名🫶🏻每一口都帶有濃郁的肉香，入口即化，非常嫩滑👍🏻感受到肉質的鮮嫩與滑順🤤記得淥幾秒就食得💗🌟海鮮拼盤海鮮拼盤有鮮甜鮑魚、蟶子、帶子和蠔，擺盤10分精緻✨好新鮮，鮮味十足，彈牙爽口👍🏻🌟澳洲和牛牛丸牛味十足，彈牙，咬下去時肉汁四溢😋🌟伊比利亞黑毛豬梅肉伊比利亞黑毛豬梅肉口感豐腴，肉質鮮嫩柔軟，入口即化🤩🌟澳洲和牛M5牛肩卷澳洲和牛M5牛肩卷肉質嫩滑，油脂分布均勻，輕輕一淥，口感美味🤤🌟SRF美國黑牛後腿肉SRF美國黑牛後腿肉肉質較紮實，有口感✨🌟古法醉鮑魚鮑魚的鮮甜與醉醬的香氣相互襯托，鮑魚都吸收了醬汁的精華👍🏻🌟炭燒鹽蔥鮑魚炭燒鹽蔥鮑魚香氣撲鼻而來，外皮微焦卻不失鮮嫩，鹽與蔥的搭配提升了鮑魚鮮味😋🌟真台灣鯛魚片魚片質地滑嫩，鮮甜鮮味💗🌟鮮甜海蝦鮮甜海蝦肉質緊實，鮮美無比，搭配蒜蓉醬，味道更出色🤤🌟水蓮水蓮清爽，口感新鮮👍🏻🌟台中.仙草凍到尾聲，叫了台中仙草凍作

講起任食嘅台式火鍋，相信港人心目中嘅No.1 肯定係非牛大人莫屬啦！原來餐廳最近仲推出咗日本黑毛和牛A4+套餐，另外仲有好多新登場嘅火鍋配料，真係非常吸引啊🤤～日本黑毛和牛A4+ 晚市120分鐘吃到飽套餐💰每位HK$488✨牛大人紅燒牛骨鍋湯底濃郁，微辣惹味，係餐廳嘅招牌湯底之一～✨日本黑毛和牛A4+ 日本黑毛和牛油脂分布平均，肉質極其嫩滑，入口即溶，肉香四溢！最重要嘅係仲可以無限任叫添啊😚～✨伊利比亞黑毛豬梅肉同樣都係賣相吸引，油脂分布平均，肉質緊實而有彈性，啖啖都係豬肉嘅甘甜味～✨海鮮拼盤套餐會贈送海鮮拼盤，是日靚海鮮有生蠔、帆立貝、鮑魚同埋聖子等等！款款都好新鮮鮮甜啊～✨鮑魚盛宴係由台灣師傅主理嘅三種唔同新煮法嘅鮑魚！有炭燒嚴蔥鮑魚、柚子燒汁鮑魚同埋古法醉鮑魚，味道各具特色～✨澳洲M9和牛牛丸套餐會贈送每位兩粒澳洲M9和牛牛丸，同樣都係牛大人進店必食嘅招牌名物！肉味香濃，爽口彈牙～✨牛大人自家飲品個人最鍾意充滿果香同茶香嘅白桃烏龍同埋酸甜消滯嘅洛神花茶～呢個套餐當然仲可以叫埋其他套餐嘅靚靚牛肉啦！個人最中意美國SRF黑牛同埋澳洲和牛M5牛肩卷，味道口感都同樣出色㗎👍🏻～餐廳提供嘅

牛大人每隔一排就要食是常識吧😋我好貪心地要咗日本黑毛和牛A4套餐$488 120分鍾吃到飽和牛同普通牛嘅分別真係冇得輸🥲實在太太太好食 個感覺就同入口即溶差唔多成個套餐仲有一個海鮮拼盤有聖子 蠔 等等熟食方面呢個套餐仲多左幾款既鮑魚有醉鮑同燒鮑 有兩款既鮑魚係炸過黎口感都好特別另外仲有好多牛大人既自家製飲品同埋連珍珠奶茶都有🥹甜品方面就有仙草凍同好多新款既雪糕🍦食完之後出到黎都9點 但仍然好多人排隊食🫡

#cassiegomk -牛大人絕對係同朋友打邊爐嘅首選。平日夜晚都會坐爆哂，通常我都會提早2個星期book定位，就安全啲。今次揀咗最近新推出嘅日本黑毛和牛A4+吃到飽 ，和牛好吸引，油脂分佈平均，入口即化。除咗有日本和牛任食之外，仲有四種不同煮法嘅鮑魚，我最鍾意炭燒鹽蔥鮑魚，鮑魚好爽口，唔會好老咬唔開。👍🏿-依個套餐另外附送一個海鮮拼盤有青口，聖子，帆立貝同鮑魚，仲有澳洲和牛牛丸。飲品同小食可以出去攞，有我每日都攞嘅冷泡茶或者qr code落單，有充滿台灣特色嘅珍珠奶茶、鴨屎香檸檬茶、鹽酥雞、梅甘酥脆薯等等。成個套餐絕對係物超所值，又有2小時同朋友一邊食一邊吹水！🧋-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌗 (4.5)-➡️ 牛大人台灣火鍋吃到飽 (瓊華中心) (旺角)📍 旺角彌敦道628號瓊華中心8樓