Video
Read full review
2016-06-16
4492 views
今日放工之後同飯伴在太子處理一些事務之後,已經8:30pm喇,因為最後我地都會去旺角先達搭小巴,所以就喺附近搵野食喇~咁岩見到呢間食素食的食店,入面又幾多人幫襯wo,所以我地就試下佢喇!等左一小陣位都有得入座了=]店內環境不算擠迫, 不過就有一點熱。我們先叫左4款食物~最先黎到嘅係｢齋拼盤｣, 但係大家係咪覺得個｢拼盤｣好唔｢拼盤｣呢...嗱, 其實個｢齋拼盤｣原本係有3款齋：酸齋、齋叉燒、蠔油齋。咁因為我地唔食蠔油齋, 幫我地落單個姐姐話可以走蠔油齋, 咁張單都係咁寫喇~點知黎到3個碟都係酸齋又係咩玩法呢??於是我地就問下姐姐喇, 呀姐姐就話：係呀齋叉燒賣哂呀唔記得同你地講...嗱...其實呢, 我就覺得正常都有D不滿嘅,不過佢地咁好彩因為係我中意食酸齋而飯伴中意食齋叉燒...所以全部都係酸齋我就冇咩問題ge...呀飯伴先生就一向都零脾氣, 所以我地就食左個只得酸齋嘅｢拼盤｣喇...好, 講番個酸齋, 只係好一般, 個汁唔酸, 味道偏淡...之後就係紅燒野生竹笙素翅 (碗), 加左紅醋之後個咪唔錯,都有少少似平時食嘅"翅"嘅味道,入面D竹笙同素翅都幾好咪~西檸焗猴頭菇 - 呢個係我呢
已經8:30pm喇,
因為最後我地都會去旺角先達搭小巴,
所以就喺附近搵野食喇~
咁岩見到呢間食素食的食店,
入面又幾多人幫襯wo,
所以我地就試下佢喇!
等左一小陣位都有得入座了=]
店內環境不算擠迫, 不過就有一點熱。
我們先叫左4款食物~
齋''拼盤''
$55
85 views
0 likes
0 comments
嗱, 其實個｢齋拼盤｣原本係有3款齋：酸齋、齋叉燒、蠔油齋。
咁因為我地唔食蠔油齋, 幫我地落單個姐姐話可以走蠔油齋, 咁張單都係咁寫喇~
點知黎到3個碟都係酸齋又係咩玩法呢??
於是我地就問下姐姐喇, 呀姐姐就話：係呀齋叉燒賣哂呀唔記得同你地講...
嗱...其實呢, 我就覺得正常都有D不滿嘅,
不過佢地咁好彩因為係我中意食酸齋而飯伴中意食齋叉燒...
所以全部都係酸齋我就冇咩問題ge...
呀飯伴先生就一向都零脾氣, 所以我地就食左個只得酸齋嘅｢拼盤｣喇...
好, 講番個酸齋, 只係好一般, 個汁唔酸, 味道偏淡...
紅燒野生竹笙素翅 (碗)
$38
59 views
0 likes
0 comments
都有少少似平時食嘅"翅"嘅味道,
入面D竹笙同素翅都幾好咪~
西檸焗猴頭菇 - 呢個係我呢餐飯入面最驚喜嘅一味餸!開頭我地以為係會把西檸汁撈埋入去, 估唔到佢係分開上,
個猴頭菇炸得好好味! 佢又唔會好油, 食到個菇肉又有番菇軟綿綿嘅質感,
個西檸汁其實都OK, 不過我地2個就寧願就咁食個炸猴頭菇已經夠好味!
黑松露炒麵
$88
54 views
0 likes
0 comments
個味都有少少黑松露咪, 只可以叫不過不失。
最後我地一人叫左一款甜品。大家估下我地叫左咩呢???
黑糖果凍
$15
43 views
0 likes
0 comments
Happy Cow 雪糕
$38
42 views
0 likes
0 comments
原來呢個係Mint Chocolate Chips, 即係係薄荷雪糕加朱古力粒...
佢個menu 呃左我囉....仲一心想食朱古力...
其實佢個薄荷雪糕個味道都唔錯...不過就唔係我想叫嘅野食囉...
好~總結係, 我覺得有D素食都幾有心思同有特式嘅, 好似我見到有人食緊pizza...不過呢就要咁好彩揀到佢整得好食嗁食物, 唔係有D都係一般般...下次...如果經過佢都可以係一個選擇, 但你叫我特登黎食我就唔會喇~
Post
