楓 (Closed)

位於旺角日本菜甜品餐廳, 近廣華街仁安大廈入面裡面的一家小店, 地點有點隱蔽,但入面嘅日系裝修, 燈光柔和舒適, 不過座位不多。餐廳供應烏龍麵, 大阪燒, 還有刨冰, 蛋糕及乳酪雪糕。門口貼有宣傳海報, 做緊期間限定推廣, 乳酪雪糕買一送一, 呢度有20多款配料同10款醬汁可以揀, 每杯可以揀三款配料和一款醬汁, 都係$58杯, 超抵食。Froyo乳酪雪糕 - $58乳酪雪糕酸酸甜甜, 很幼滑。一條朱古力餅乾條, 抹茶餅乾碎碎灑係乳酪雪糕上, 仲有麻糬粒粒, 口感煙韌, 醬汁要咗抹茶醬。小山園抹茶醬非常濃郁, 抹茶帶點苦澀, 中和了乳酪雪糕本身嘅酸甜味, 啱啱好。呢個自由配搪我覺得好日式呀!另一杯要一條朱古力餅乾條, 上面灑滿了開心果仁碎粒, 滿滿的口感及果仁香。面有一粒抹茶蕨餅, 醬汁要咗焦糖醬。我幾鐘意食焦糖, 唔知係未配乳酪雪糕, 覺得焦糖冇想像中咁甜。呢個配搭有啲似意式。下次等我要試下佢烏龍麵及大阪燒先。