紅橋 (Closed)

去旺角行街真係大把餐廳選擇，今次就嚮西洋菜街發掘到呢間非常之抵食嘅港式西餐廳。 餐廳大概有兩個相連地鋪位，座位唔少，但係都多人等位，長期滿座。晚餐有做set dinner,亦都有焗飯/意粉、馬來菜同輕食等等。但套餐實在太抵，唔使100蚊有齊前菜、餐湯、主菜同飲品，深深吸引左我😍。蒜香蜜糖一字骨配蛋包飯蛋包飯賣相真係好吸引，圓圓而且飽滿，上面有大量茄汁（唔夠可以要求加），蛋皮入面係粒粒分明嘅炒飯，撈埋茄汁甜甜地真係好好味，好滿足🥰。一字骨份量都唔少，烤到外面脆脆地，又鋪滿蜜糖，好香口。黑松露忌廉汁海蝦帶子燴意粉意粉嘅硬度剛剛好，黑松露味道濃郁，蝦亦都彈牙，帶子就細粒d，不過以呢個價錢黎講好超值。煙三文魚脆餅正常發揮嘅小食，係一口size方便食~中湯西餐套餐可以點熱辣辣滋潤中湯，係加分嘅今次係豬骨蘿蔔湯，有大排檔老火湯水準，好足料，正。芝麻蝦多士表面鋪左黑芝麻，賣相唔太突出，但食落比白芝麻更加香🤭。蝦肉層好厚，多士就薄薄地，脆口又唔太油膩，果然係推介小食呀💕。芝心雞翼熱辣辣，咬嘅時候要小心爆芝士🤣。除左芝士，餡料入面仲有唔少蘑菇，口感幾好。如果雞翼外層再煎多陣就更香更好味了~