旺角海鮮菜館

Open Now

Now Closed

朋友放工有啲晏，但又想食好嘢，就比我搵到依間開到凌晨嘅餐廳，好多好評而且仲有海鮮食﹗除咗海鮮之外見大家都好推薦白灼系列同埋燉湯，所以當然都要試下啦。白灼海蜇海蜇頭比起海蜇特別有咬口，夠爽白灼韭菜花用咗比較嫩脆嘅韭菜花，而且好清甜杏汁菜膽白肺湯豬肺炆得好淋好入味，洗得好乾淨，咬落去好彈口。湯有濃郁杏汁香味，養顏潤肺之選豉汁蒸鮑魚超期待嘅海鮮，鮑魚大大隻，處理得好好，好易就離殼而且都清晒內臟鮑魚肉表面割花，更加入味清蒸虎杉斑虎杉斑非常新鮮，肉質爽實有彈性清蒸就食到條魚有幾新鮮仲有前菜嘅花生都好好味好彩本身都訂咗位，就連平日晚都滿席，如果想食又唔想摸門釘記得要訂定位啦