越男仔

Open Now

Now Closed

擒晚終於約到朋友食飯。2條女太耐冇見，邊講邊食。😄😄今次我提議食越男仔旺角廣華街分店，首先佢啲嘢食比較多款可以揀又好食，旺角區又係中間位置就大家返屋企方便啲。我哋叫咗：🍜（我）3+2撈檬粉有手撕雞，越南扎肉，牛筋，燒豬頸肉，燒肉粒。餸料好豐富好大碗。個燒肉粒好香脆惹味。手撕雞都好好味。此外青瓜絲及生菜都算多，令到食起上嚟fresh啲冇咁油膩。佢會俾埋個食檬粉專用嘅汁，好好味好開胃😋😋呢個唔錯。🍜（朋友）生牛肉牛骨湯金邊粉牛肉好滑有牛味。牛骨湯好濃好惹味。金邊粉好滑，索唒湯汁，好正😋😋。朋友話呢個都唔錯。小食：手撕雞檬紙卷手撕雞配搭檬紙卷一齊食，味道幾清新，清清哋幾好味。如果覺得唔夠可以落少少檬粉個汁。推介👍辣雞翼 2大隻（唔記得影相😅）炸得香脆，辣辣哋好惹味。🍢🍍串燒拼盤+菠蘿3條串燒同個汁都做得幾好味但唔會好鹹。😋😋餐飲：🧉朋友楝咗椰青。大大個，清甜解渴，食埋裹面啲椰肉😍。（掛住傾計唔記得影相🤪）🍹我就楝咗水果茶。都係唔會太甜嘅夏日透心涼飲品。服務都幾好，幾細心周到。