Video
Read full review
2023-04-08
171 views
呢間餃子一直都想試左好耐，但成日都見到好多人排隊，呢日lunch見等5張檯左右就一於等下，等左10分鐘左右就有得入去🐷煎餃子麵(5pcs) $50兩碗麵都係揀左台灣麵配雞湯，雞湯好飲，飲得出真材實料唔係味精水；台灣麵煮得岩岩好，唔會話好淋或者好韌；不得不提麻辣菜圃好好食，辣辣地同餃子好掂，加落湯麵個湯有少少辣一樣好食粟米芝士雞肉餃呢個入邊係見到粒粒粟米，芝士份量唔算好多，咬落去芝士係融左，雖然無拉絲，但入口有芝士既咸香，粟米既甜同雞肉既味好夾，呢個大推👍🏻👍🏻👍🏻南瓜忌廉雞肉餃南瓜蓉好細滑，成隻餃係滿滿既南瓜蓉，加左雞肉就豐富左成隻餃子既口感，忌廉味唔算好濃，3樣野夾埋配”煎”呢個煮法完全係外脆內軟👍🏻👍🏻🐷湯餃 (8pcs) $44 (單拼/雙拼)湯底揀左蕃茄薯仔湯，薯仔係煲到溶晒，面頭有d蕃茄碎，酸酸地同湯餃都好夾。西洋菜豬肉餃湯餃更加突顯到餃子隻隻脹卜卜；咬落去好濃西洋菜味，菜既份量比肉多，食落去感覺好健康；調味亦剛剛好，唔會話好濃味👍🏻👍🏻韭菜豬肉餃同樣地韭菜份量比肉多，亦唔會好濃味，食多幾隻都唔會話好滯好漏👍🏻
🐷煎餃子麵(5pcs) $50
兩碗麵都係揀左台灣麵配雞湯，雞湯好飲，飲得出真材實料唔係味精水；台灣麵煮得岩岩好，唔會話好淋或者好韌；不得不提麻辣菜圃好好食，辣辣地同餃子好掂，加落湯麵個湯有少少辣一樣好食
粟米芝士雞肉餃
呢個入邊係見到粒粒粟米，芝士份量唔算好多，咬落去芝士係融左，雖然無拉絲，但入口有芝士既咸香，粟米既甜同雞肉既味好夾，呢個大推👍🏻👍🏻👍🏻
南瓜忌廉雞肉餃
南瓜蓉好細滑，成隻餃係滿滿既南瓜蓉，加左雞肉就豐富左成隻餃子既口感，忌廉味唔算好濃，3樣野夾埋配”煎”呢個煮法完全係外脆內軟👍🏻👍🏻
🐷湯餃 (8pcs) $44 (單拼/雙拼)
湯底揀左蕃茄薯仔湯，薯仔係煲到溶晒，面頭有d蕃茄碎，酸酸地同湯餃都好夾。
西洋菜豬肉餃
湯餃更加突顯到餃子隻隻脹卜卜；咬落去好濃西洋菜味，菜既份量比肉多，食落去感覺好健康；調味亦剛剛好，唔會話好濃味👍🏻👍🏻
韭菜豬肉餃
同樣地韭菜份量比肉多，亦唔會好濃味，食多幾隻都唔會話好滯好漏👍🏻
Post
