Video
Read full review
2023-08-21
62 views
係旺角睇完戲，又到lunch time，咁岩手機碌到有人推介呢間cafe，咁就試一試。呢間cafe係地鐵站出黎都要行一段時間，都真係幾隱世。Cafe門面好靚，勁有夏日feel。裡面環境都好舒服，樓上仲有一層，不過我坐係地下個層，亦無走上去。紐西蘭藍鱈魚柳漢堡 $88睇menu見到魚柳勁大塊，結果上到枱竟然都咁大塊，無諗過，以為上枱塊魚柳會打個7折😂魚柳炸得非常香脆，咬落有聲，魚肉雪白鮮嫩，同他他醬配搭得好好食🤤薯條香脆甘香，炸得脆卜卜，好好食。跟餐熱桂花烏龍茶，桂花味好濃厚，配埋烏龍茶少少澀澀地，好有回甘的感覺🥰盛夏舒緩組合 $108（煙肉帶子焦糖菠蘿沙律杯配薄何青檸檬油醋、晴王提子茉莉花果凍、夏日手藝小調）呢個組合真係好抵，仲要有個400g的保濕啫喱送，勁大罐勁重😆沙律杯外觀非常精緻，所有食物都一層層擺好，一上枱就喪打卡🤣沙律杯的煙肉帶子煎得好好，煙肉唔會好乾，食落帶少少juicy，帶子柔軟鮮甜，煙肉的鹹味仲帶起左帶子的鮮味，好好食😋焦糖菠蘿非常香甜，而且無渣，粒粒黃金色好漂亮。菠蘿下面有西瓜同蕃茄，都好清甜，最底的沙律菜食到好新鮮，配埋沙律汁味道清爽。晴王提子茉莉花果凍的果凍食到好
Cafe門面好靚，勁有夏日feel。裡面環境都好舒服，樓上仲有一層，不過我坐係地下個層，亦無走上去。
紐西蘭藍鱈魚柳漢堡 $88
睇menu見到魚柳勁大塊，結果上到枱竟然都咁大塊，無諗過，以為上枱塊魚柳會打個7折😂
魚柳炸得非常香脆，咬落有聲，魚肉雪白鮮嫩，同他他醬配搭得好好食🤤薯條香脆甘香，炸得脆卜卜，好好食。
跟餐熱桂花烏龍茶，桂花味好濃厚，配埋烏龍茶少少澀澀地，好有回甘的感覺🥰
盛夏舒緩組合 $108
（煙肉帶子焦糖菠蘿沙律杯配薄何青檸檬油醋、晴王提子茉莉花果凍、夏日手藝小調）
呢個組合真係好抵，仲要有個400g的保濕啫喱送，勁大罐勁重😆
沙律杯外觀非常精緻，所有食物都一層層擺好，一上枱就喪打卡🤣
沙律杯的煙肉帶子煎得好好，煙肉唔會好乾，食落帶少少juicy，帶子柔軟鮮甜，煙肉的鹹味仲帶起左帶子的鮮味，好好食😋
焦糖菠蘿非常香甜，而且無渣，粒粒黃金色好漂亮。菠蘿下面有西瓜同蕃茄，都好清甜，最底的沙律菜食到好新鮮，配埋沙律汁味道清爽。
晴王提子茉莉花果凍的果凍食到好香濃的茉莉花茶味，不用配其他野都好好食。提子爽脆香甜，不愧係晴王😍中間的係薑味雪糕，明明睇相無雪糕🤣雪糕薑味都幾濃郁，同果凍一齊食味道好有層次☺️
夏日手藝小調揀左草莓鮮奶，menu話有鮮草莓果蓉、牛奶、蜂巢脆餅、雪燕。上枱時見到杯底有大量的草莓果蓉，搞勻飲會飲到好濃郁的草莓味，同時每一啖都飲到好多雪燕碎。蜂巢脆餅浸係奶入面浸左好耐都仲keep住咁脆，食落好甜，亦好痴牙🤣
想講餐廳職員非常貼心，見我不停影相，竟然提供道具，擺低左水泡同水泡造型的杯墊，我影得超開心🥰多謝～
小點角落 (旺角)
旺角白布街2-24號藝興大廈地下4號舖
*上述文章只供參考及以當時價格為準
Post
