Sky726

周末早晨想揾個有靚景既西餐廳嘆個brunch於是選左Sky 726, 19樓落地玻璃，非常好view，Brunch Menu性價比也非常高。前菜有麵包，餐湯同翡翠螺及凍蝦配鷄尾酒汁，螺肉同蝦肉厨師已經處理好，螺肉同蝦肉都非常新鮮緊實，配上鷄尾酒汁，酸酸辣辣，作爲小菜幾開胃！紐西蘭頂級草飼肉眼扒伴燒汁 178HKD我地叫左medium rare，牛扒燒到岩岩好，入口好香牛味，點上燒汁風味更足，另外配有蔬菜和薯蓉，分量相當足~美國特級安格斯25天熟成西冷扒 配露絲瑪莉燒汁 218HKD西冷扒脂肪分佈均匀，有弄弄牛油香，燒汁入面有迷迭香既風味，配搭肉扒別有一番風味，另外我找厨師加左小小yellow mustard，都好夾喂，有淡淡辛辣感，亦都解膩！我地野飲嗌左一杯卡布奇諾一杯拿鐵，咖啡亦都好香，keep住個水準！