Outdark (飛達商業中心)

Open Now

Now Closed

喺旺角想食韓國嘢，就一定會諗起Outdark，今次係第二次食，整體感覺幾好，無論食物質素、環境定價錢都令人滿意，特別啱一班朋友聚會或者想試下地道韓國菜嘅人～😚🐓韓式辛辣炸雞炸雞係必試之選～ 炸雞件外層炸得香脆但唔會太硬，內裡仲保持住嫩滑嘅肉質，食落完全唔會乾柴。甜辣醬汁唔會太厚重，不過menu上面都寫咗有三條辣椒，唔太食得辣嘅人要小心🤣 炸雞仲配埋薯條同薯角，啲薯條炸得外脆內軟，而薯角就帶少少粉糯感，整體嚟講成個配搭好豐富又滿足🐖韓式豬腳豬腳嘅膠質啱啱好，帶少少煙韌但唔會太膩，肉質又軟腍，幾容易入口😝 調味用咗醬油、蒜頭、肉桂、洋蔥同埋薑嚟滷，味道唔會過鹹，但又好香濃，有啲似韓式家庭料理嗰種舒服感，幾特別，配料方面有啲蒜片、椰菜同生菜，包住豬腳嚟食又係另一種口味😚🍶柚子米酒米酒帶有淡淡嘅米香同柚子清甜味😍，飲落幾順口，酒味唔算濃烈，適合唔太愛飲酒嘅人😇🍹熱情果梳打梳打氣泡感夠強，加上濃郁嘅熱情果香味，幾適合配搭炸雞或者解膩，係清新嘅選擇😊餐廳嘅環境偏向casual，啱晒同朋友邊食邊傾。服務員態度友善，落單速度幾快，唔需要等太耐。價錢方面以旺角嚟講都算合理，幾適合想試韓國菜或者韓式飲品嘅