Video
Read full review
2022-09-28
48 views
#ftf_旺角旺角高質靚牛 牛魔王必食放題A4和牛Set $468/head⭐️⭐️⭐️⭐️⭐️今日同朋友去咗旺角食肉浦團，聽個名就知啱晒啲食肉獸！舖頭有四個sets揀，好牛者必食A4和牛Set，牛類選擇款式多，有好多唔同部位，質感、油脂分布、牛味各有不同，應有盡有！而且仲有唔同種類嘅新鮮海鮮，真係對得住個價錢！今次叫咗個醉雞湯底，湯底酒味唔算太強烈，所以淥牛肉都仲可以食到牛鮮味，唔會搶咗fo～而且配上嘅醉雞藥膳味香濃，肉質口感極嫩滑，真係阿婆冇牙都食到！肉類方面，試晒所有牛肉都已經足以K.O.你個胃，可想而知，選擇有幾咁豐富！個人特別推介牛板腱、牛頸脊、A4和牛後腿肉、牛展。不過我相信，各位貪心嘅小狗、或者有選擇困難症嘅你，一定十五十六，樣樣都想試，所以唯有就吃吧孩子！海鮮方面，廣島蠔肥美，日本帶子飽滿，虎蝦鮮甜， 蝦滑彈牙，試問你點忍？另外仲有自助吧，又多款蔬菜同丸類選擇，淮山同芋頭配醉雞湯，簡直一流！芋頭超粉嫩，淮山就爽嫩！今次真係除咗老牛吃嫩牛，仲食埋嫩草！丸類方面，大家一定要食芋頭貢丸，勁多餡！出邊仲有吉列炸蠔、炸蝦同鹽酥雞任你食，最尾加埋個甜品Häagen-Dazs ice cre
旺角高質靚牛 牛魔王必食放題
A4和牛Set $468/head
⭐️⭐️⭐️⭐️⭐️
今日同朋友去咗旺角食肉浦團，聽個名就知啱晒啲食肉獸！舖頭有四個sets揀，好牛者必食A4和牛Set，牛類選擇款式多，有好多唔同部位，質感、油脂分布、牛味各有不同，應有盡有！而且仲有唔同種類嘅新鮮海鮮，真係對得住個價錢！
今次叫咗個醉雞湯底，湯底酒味唔算太強烈，所以淥牛肉都仲可以食到牛鮮味，唔會搶咗fo～而且配上嘅醉雞藥膳味香濃，肉質口感極嫩滑，真係阿婆冇牙都食到！
肉類方面，試晒所有牛肉都已經足以K.O.你個胃，可想而知，選擇有幾咁豐富！個人特別推介牛板腱、牛頸脊、A4和牛後腿肉、牛展。不過我相信，各位貪心嘅小狗、或者有選擇困難症嘅你，一定十五十六，樣樣都想試，所以唯有就吃吧孩子！海鮮方面，廣島蠔肥美，日本帶子飽滿，虎蝦鮮甜， 蝦滑彈牙，試問你點忍？
另外仲有自助吧，又多款蔬菜同丸類選擇，淮山同芋頭配醉雞湯，簡直一流！芋頭超粉嫩，淮山就爽嫩！今次真係除咗老牛吃嫩牛，仲食埋嫩草！丸類方面，大家一定要食芋頭貢丸，勁多餡！出邊仲有吉列炸蠔、炸蝦同鹽酥雞任你食，最尾加埋個甜品Häagen-Dazs ice cream/ cheese cake，簡直係完美嘅作結！
回頭率🤡🤡🤡🤡
性價比🤰🏻🤰🏻🤰🏻🤰🏻🤰🏻
#feedtiffood #吃吧孩子 #吃到懷孕
Post
