柞木炭家

Open Now

Now Closed

今日嚟旺角TOP商場食韓燒，呢間餐廳做緊六周年優惠，全單6折，仲可以用$6任飲無酒精飲品，仲可以參加6秒挑戰有炸雞送。餐廳環境好舒服，完全聞唔到油煙味，枱面同地下都好乾淨。韓式小菜全部小菜都係可以無限添加，泡菜爽口酸辣，非常入味，仲有爽脆蓮藕最上等牛肋骨有專人幫你燒埋，仲會好細心問你要幾成熟。牛肋骨好大塊，油花都幾靚，口感軟嫩，牛味濃厚壽喜燒和牛三筋肉和牛加咗壽喜燒汁薄燒，包住飯再沾上蛋汁，口感香滑鰻魚 鰻魚非常厚身大條，肉質會太肥，偏向細嫩有咬口，燒香咗之後皮脆肉嫩，配埋鰻魚汁香甜焦香半半炸雞(半份) 炸雞可以選擇原味/醬油/甜辣/半半配搭，我揀咗醬油+甜辣，炸雞好香脆，粉漿厚度啱啱好，雞肉細嫩多汁，醬汁香濃惹味雪梨水冷麵 蕎麥麵好滑身，加入冰湯同青瓜絲夠晒清新，湯底加入雪梨清甜，酸酸哋好開胃，夏天消暑一流～柚子檸檬梳打水/青瓜青檸梳打水兩款梳打水都酸酸甜甜，好開胃清新，一路燒肉一路飲可以緩解肉嘅油膩感，夏日透心涼整體食物質素幾高，環境乾淨衛生，坐得好舒服，地點方便，服務態度細心周到。