Video
Read full review
2024-10-08
438 views
鋿晶館今日去旺角覆診前搵個地方食野，搵咗一間點心餐廳叫「鋿晶館」，餐廳主入口係有一級，輪椅人士如果要入去食野就要自備斜板，入到去先發現原來另外一邊有斜路，但係有枱面阻住，店員話如果一陣食完就會比你去斜路果邊走，有時我明白做老闆要計翻枱率，因為香港租金實在太貴，但係整完個斜路唔用有d可惜，經過今次事件希望佢哋會諗到一個兩全其美嘅辦法，佢哋嘅野食就唔洗講，非常好味！1.月半彎晶瑩鮮蝦餃（4粒）$42（8/10）呢籠蝦餃個蝦餃皮有少少口，不過入面鮮蝦好大隻，咬落好爽，仲有切咗粒嘅翠玉瓜，唔錯！2.活拆生剝鮮蝦腸$45（8/10）呢碟鮮蝦腸粉個腸粉皮有少少口，一共有3條鮮蝦腸粉，每條蝦腸都切咗一半，入面鮮蝦好爽好彈牙，仲有切咗粒嘅翠玉瓜，唔錯！3.紫金名醬蒸鳳爪$30（8.5/10）呢碟鳳爪個味道比較似舊式酒樓，好正宗，又有豆豉，隻隻鳳爪都好大隻，份量又多，大約有6隻鳳爪！4.山竹牛肉球$30（9.5/10）呢碟山竹牛肉每一舊都好大舊，咬落唔似油浸，入面仲有馬蹄粒，出面仲有腐皮，一共有三大舊山竹牛肉，好好味！5.煎釀虎皮尖椒$39（9.5/10）呢碟虎皮尖椒微辣，尖椒上面釀咗魚肉，一共有4條虎
今日去旺角覆診前搵個地方食野，搵咗一間點心餐廳叫「鋿晶館」，餐廳主入口係有一級，輪椅人士如果要入去食野就要自備斜板，入到去先發現原來另外一邊有斜路，但係有枱面阻住，店員話如果一陣食完就會比你去斜路果邊走，有時我明白做老闆要計翻枱率，因為香港租金實在太貴，但係整完個斜路唔用有d可惜，經過今次事件希望佢哋會諗到一個兩全其美嘅辦法，佢哋嘅野食就唔洗講，非常好味！
1.月半彎晶瑩鮮蝦餃（4粒）$42（8/10）
呢籠蝦餃個蝦餃皮有少少口，不過入面鮮蝦好大隻，咬落好爽，仲有切咗粒嘅翠玉瓜，唔錯！
2.活拆生剝鮮蝦腸$45（8/10）
呢碟鮮蝦腸粉個腸粉皮有少少口，一共有3條鮮蝦腸粉，每條蝦腸都切咗一半，入面鮮蝦好爽好彈牙，仲有切咗粒嘅翠玉瓜，唔錯！
3.紫金名醬蒸鳳爪$30（8.5/10）
呢碟鳳爪個味道比較似舊式酒樓，好正宗，又有豆豉，隻隻鳳爪都好大隻，份量又多，大約有6隻鳳爪！
4.山竹牛肉球$30（9.5/10）
呢碟山竹牛肉每一舊都好大舊，咬落唔似油浸，入面仲有馬蹄粒，出面仲有腐皮，一共有三大舊山竹牛肉，好好味！
5.煎釀虎皮尖椒$39（9.5/10）
呢碟虎皮尖椒微辣，尖椒上面釀咗魚肉，一共有4條虎皮尖椒！
6.咱家脆皮蝦多士$49（9.5/10）
呢碟脆皮蝦多士真係好好味，他多士炸得好脆身，咬落去卜卜脆，蝦膠都幾多，仲幫人切開四件方便入口食，好正！
7.老爺子古法馬拉糕$22（8.5/10）
呢個古法馬拉糕好鬆軟，好似舊式酒樓味道，唔錯！
8.黑椒醬皇金錢肚32（9/10）
呢個金錢肚唔會太重黑椒味，金錢肚微辣，口感有軟淋，金錢肚角底係白蘿蔔，份量到幾多，大約有6舊，好好食！
2人總共價錢$305，茶位每位$8，假期先有加一
個人口味總評分：8.8125/10
@sc_cuisine
地址：旺角彌敦道726號地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#鋿晶館 #香港點心 #旺角好去處 #旺角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
