阿木台灣麵 (豉油街)

Open Now

Now Closed

想當年呢間嘢排晒隊，前排過嚟唔使點排隊，今日諗住過嚟食下午茶點知排晒長龍！好肚餓呀！好彩等咗10幾分鐘就入得。食咗幾次鹽酥雞便當都好正，今次叫咗個🐂牛肉麵，牛肉勁厚切，入口鮮嫩。個湯底真係超驚喜，好濃郁嘅牛骨湯味，食落甜甜地，落埋自家製麻辣醬就更加正。芝士玉米蛋餅🥞蛋餅份量都幾多，完全係兩人份，每舊都入口柔軟，充滿大量嘅玉米🌽同芝士🧀。飲品：🧋黑糖珍珠鮮奶入面好多珍珠，每一粒都好有咬口，夠晒煙靭彈牙，成杯嘢飲仲好重奶味。