十三姨 (通菜街)

Open Now

Now Closed

人氣十三姨！原來呢間餐廳都幾出名，平日晚上都多人排隊等候。餐廳環境偏狹窄，會同後面枱嘅客人幾乎背脊貼背脊。每枱有一碗蝦片作為前菜，餐牌食物款式唔算多，我哋都係嗌啲招牌菜式試吓。十三么$72- 入面有好多手撕雞、幾塊雞叉燒、腸粉、半隻溏心蛋同米粉拼粉絲。雞叉燒有炙燒味，幾香幾滑。手撕雞鞋少少，同埋重胡椒味。有幾條腸粉又幾有趣。米粉同粉絲嘅份量太多，差啲食唔晒，湯底應該有味精，食完有些少口渴。十三飛$78- 朋友加$12轉翠肉瓜麵拼粉絲，翠玉瓜口感爽口，不過份量少咗啲。牛肉就一般般，普普通通。爆漿芝士煉奶炸年糕$36- 呢個年糕唔錯！流心芝士同煉奶配合得幾好，年糕煙韌，同朋友share啱啱好，推介！鮮奶溝忌廉$28- 個器皿係牛奶盒嘅樣，幾得意。400次岩鹽咖啡(凍)$32- 朋友自己扭岩鹽，用嚟打卡幾好。手作話梅可樂$22- 話梅粉酸酸甜甜，估唔到同可樂都幾夾。