煙燻玉子燒 (Closed)

年29晚本來打算喺荃灣晚飯，可惜想食嘅餐廳人太多，唔想等位所以撇左。於是喺附近睇吓有咩可以醫肚，原來鱟地坊多左咁多野食！之前都冇幫襯過，其中有呢間賣煙燻玉子燒嘅小店，睇落唔錯~本身男朋友對玉子燒都幾喜好，好多時食日本野都會叫~紫菜明太子玉子燒 $34講真用三十幾蚊買舊玉子燒，真係覺得有啲貴，但點都試一次啦，最多唔好食唔翻轉頭啫。店家表示用日本產地嘅雞蛋，認真講食唔出有咩分別，不過感覺上安心啲見佢地都係用個方形煎pan煎起舊玉子，再捲起放入紙盒， 煙燻再蓋上。店員都提醒要等幾分鐘先好食~一打開個蓋都有層煙飛出黎，不過煙燻味就唔多覺。玉子厚身，煎得啱啱好，不過就唔係話好重蛋味~中間有明太子，有點蓋過蛋味，份量唔多，可能驚食落太鹹~雖然味道唔錯，但咁嘅價位，性價比唔是太高。玉子迷先好試~