明星皇宮

Open Now

Now Closed

今日係農曆八月十五中秋節，決定去酒樓做節，訂咗枱話八點先有，酒樓7點打嚟話有枱，急不及待出發，酒樓滿座，但沒有以前逼人。先點半席六人餐，再加片皮鴨兩食。片皮鴨係熱皮脆，麽麽皮就有啲厚仲有啲硬，個個剩係食隻鴨，當燒鴨食都ok,係二百幾蚊唔多抵。涼瓜鴨件，涼瓜味甘甜，鴨件有啲老，醬汁適中幾好味。北菇鵝掌，鵝掌大大隻，北菇又大大隻，菇就無乜香味，生菜底豐厚。上湯蝦球伊麵，蝦球爽脆有蝦味，伊麵份量好多。吉列蝦配沙律，吉列蝦大大隻，不過粉就好厚，炸得香脆還可以。清蒸沙巴龍躉，條魚好大條超過兩斤，火喉啱啱好，新鮮嫩滑，。整體味道唔錯，份量比以往大好多，最後食唔晒要打包走