日暮家 麵匠 (Closed)

以前見到一堆生粉排隊 但今日路過見到冇乜人排就即管一嘗心態入去🍜⁡我就叫左以下幾款😬⁡🔻日暮拉麵 第一次試就緊係試試店鋪招牌，睇介紹係想重現以京都濃郁湯底作為賣點⁡湯底選用豚骨湯，落單時揀左標準湯底，食落的確感受到濃湯底嘅效果，見我飲哂就知🤪想再重口味朋友可以揀選濃湯⁡麵底建議揀粗麵，因為咁樣先掛到湯，令每一啖麵都可以沾到湯⁡叉燒係采用炙燒方式，之前有睇各路人有講過試到凍肉味，我今次就冇嘅，可能俾人話過有改善⁡⭐️評分：4/5⁡🔻餃子加$35有個套餐，有餃子，唐揚雞，$45就天婦羅無骨雞翼⁡我自己就揀咗餃子，佢個做法係王將咁樣，整到冰花出嚟⁡餃子餡唔係去到好足，但味道搭救到，係鮮嘅豬肉味，食落亦唔油膩⁡⭐️評分：3/5⁡🔻溏心蛋食拉麵唔整返隻蛋就係周身唔聚財⁡正常發揮，蛋黃冇過熟，要講特別就係蛋身有貓掌圖案⁡⭐️評分：3/5⁡🔻黑豆茶食完麵，飲完湯，再飲黑豆茶係幾解膩，加埋標榜0卡0糖，即刻覺得健康左先啦⁡⭐️評分：4/5⁡整體評分：3.5/5