小茶屋 (Closed)

星期六同朋友行街街，行到有啲口渴，見到呢間飲品店，裝修行小清新路線，吸引左我地既目光。朋友係抹茶控，見到餐牌主打茶類飲品，佢即刻話不如飲呢間小茶屋。佢揀左鮮奶黑糖珍珠抹茶，我就飲鮮奶焙茶，兩杯都叫左少甜。鮮奶黑糖珍珠抹茶 $38小茶屋既飲品好特別，用既係易拉罐包裝。出黎效果好靚，兩層鮮明既顏色，上綠下白，層次分明。茶味好出，珍珠煙韌，朋友表示好飲。鮮奶焙茶 $35我呢杯就係上層係焙茶色，下層係白色。我將鮮奶轉做無糖豆乳，我覺得比起鮮奶同茶更夾。呢間好適合鍾意飲茶既人，好健康。