Outdark (飛達商業中心)

Open Now

Now Closed

環境好靚，有發光星星裝飾，而且放著韓國流行音樂，非常有氣氛。座位同枱都夠大夠寛廣，所以坐得好舒服，燈光微暗好浪漫帶點酒吧餐廳感覺，又岩好友飯聚。芝士王國~芝士炒雞 $328有炒辣雞年糕、韓國雞蛋卷、水牛車打芝士、泡菜、甜菠蘿、紫菜飯，非常豐盛。超多芝士，個鍋有一半係芝士，而炒雞份量亦夠多，超滿足。店員會幫忙拌勻溶左芝士，再放到炒雞上，方便我地進食。超豐富的芝士炒雞，用水牛及車打芝士，前者有拉絲效果；後者咸香滋味。炸雞加甜辣醬炒，好香好惹味。雞肉嫩滑有彈性，醬汁甜甜地微辣，拌芝士食可減辣又好味。年糕好軟好煙韌，非常好咬，卷著芝士同食，更加滋味。仲有韓國雞蛋好水嫩，甜菠蘿解膩，泡菜酸酸地好開胃，勁香麻油味的紫菜飯。炸蝦飯捲 $88扎實有麻油香的飯捲，餡料香脆炸蝦，肉質彈牙，仲有爽口醃蘿蔔同脆口青瓜及甘筍絲，加上軟綿濕潤雞蛋卷，口感豐富。Grapefruit ADE $34好清爽好refresh，西柚味突出，但唔會好酸，帶點甜易入口，又可消膩。