星座冰室 (Moved) New Location

見到有芝士又黎試埋佢，今次都係唔食麵，轉左食米粉。落完單，好快就有野食，唔洗等太耐芝士蕃茄蛋撈米粉其實似碗湯多啲，即係湯米粉，同個撈字好似扯唔太上關係。其實一塊塊嘅芝士係好難溶，雖然我已經一黎就快快手影完相就撈，但係都撈唔匀啲芝士同米粉，食幾啖就冇晒芝士，變番淨蕃茄蛋湯米，同埋啲芝士味唔出，食到嘅都係蕃茄湯味。甘個蕃茄蛋湯都幾夠味嘅，真係當湯飲埋都冇問題。奶西多士其實同普通西多士冇咩分別，不過面包都幾軟，入面嘅花生醬都搽得幾均勻，夠甜唔會乾或冇味。價錢方面算幾抵食，其實鍾意食湯麵嘅都可以選擇佢。