星座冰室 (Moved) New Location

尖沙嘴近70年歷史的平民冰室 - 星座冰室　我呢晚就同朋友仔係尖沙嘴食晚飯，朋友仔打聽到香檳大廈有一間老字號餐廳即將被迫遷，於是就襯仲有機會去"考古"啦星座冰室於1966年開業，最初由好幾位粵語片明星夾份開設，及後經多年易手，最後由現時店主林先生經營至今。無論餐廳裡面定係外面，都可以見到60年代香港唔少既歲月痕跡，實在好難想像到當年屬於社會上流人士既聚腳地變成而家既平民餐廳我今次如果唔係有朋友帶路，我係絕對無可能搵到咁隱蔽既小店。雖然餐廳其實可容納30人，不過可能真係幾隱蔽，所以晚市黎到都係得客人幾位，餐廳經營都應該幾有壓力講到野食部分，餐牌上面見得最多就係番茄同牛有關既菜式，向侍應查詢後，得知番茄醬係以新鮮番茄製成，牛肉就選用新鮮貨，所以為左客人健康著想盡量用呢2樣野去製作菜式，難怪連營養師都寫文推薦大家黎呢間餐廳食。我就叫左個番茄豬扒麵，賣相就一般，好似我地自己係屋企整既樣，但係番茄麵被叫得做「隱藏版美食」，個個慕名而黎食，就真係有佢道理，我自問就真心整唔出佢個味道，真係食得出好新鮮同好有心機 ! 朋友仔就叫左個西多士，麵包油炸到金黃香脆，加上煉奶同牛油，食材睇落簡單但佢試過話絕對

聽左好耐星座冰室有機會隨時執笠，好奇心驅使上終於特登來食一個靚午!香港嘅星座冰室係一間有歷史意義嘅茶餐廳，佢嘅番茄牛肉麵出名到爆，仲畀人叫做香港茶餐廳四大奇食之一添！🍅🍜 佢哋喺尖沙咀香檳大廈嘅地庫，自1966年開業以嚟，成日都保持住60年代嘅古舊風格，座位又多，冇限制你幾時要走。🕰️雖然有名氣，但去個日下午其實都唔係滿座。星座冰室嘅番茄麵湯底用嘅係新鮮番茄整，湯色清澈，味道酸酸甜甜，好開胃。你可以揀唔同嘅麵條，好似通心粉、公仔麵或者出前一丁，同番茄湯一齊食。🍝 如果你鍾意芝士，都可以揀芝士番茄撈蛋麵，上面有成塊芝士，同番茄同雞蛋混埋一齊，味道好濃郁。🧀🥚 (但個日我唔係好想加芝士食 =P)除咗招牌嘅番茄麵，星座冰室仲有其他茶餐廳常見嘅小食同飲品，好似油醬多士、奶醬多士、西洋菜蜜同埋秘製碎豬扒等等。🥪🥤 至于星座冰室嘅西多士同凍奶茶，嗰個係佢哋嘅招牌菜同埋特色飲品。西多士係港式茶餐廳經典嘅小食，濃郁嘅奶茶配上金黃酥脆嘅吐司，簡單又好味，好似返到細個嗰陣時咁。凍奶茶就係冰室文化嘅一部分，係香港飲食文化入面好重要嘅一環，一杯正宗嘅港式凍奶茶，口感順滑，味道香濃，係好多香港人嘅情感寄託。🥤🧊雖

餐單上盡是港式茶餐廳的經典小吃,如蛋治、冰室奶茶、西多士等,每一項都令人回味無窮。濃郁的奶茶,配以煎至金黃酥脆的吐司,簡單美味,彷彿回到童年時光。更是一個散發著香港懷舊風情的文化空間。一杯冰室奶茶,一份西多士,細味這份久違的港式風情,無疑是香港人的情感寄託。

喺電視見到介紹，懷舊小舖就嚟執笠，膽粗粗試吓同朋友過嚟try try。不出所料真係好多人排隊，好彩我哋好快入到去。可惜嘅係，入邊嘅安排極混亂，我諗同多咗咁多突如其來嘅客人有關。等咗陣總算試到佢個蕃茄牛肉撈蛋通粉。賣相奇差，不過味道異常好食！估唔到蕃茄蛋都可以做到咁獨特嘅口感同埋味道，如果呢款食物放喺靚餐廳，一定有market!熱潮相信好快減退，喺呢間小店未結業之前，大家不妨一試。

睇完東張西望黎支持一下懷舊小店本身叫茄牛通同埋沙爹牛麵點知店鋪太多人，可能老闆無諗過一時間多咁多人，所以等候時間要耐啲雖然最後材料不足要轉食其他但都真係個番茄湯底好濃厚、d牛好嫩滑不過環境衛生真係差d，有小強⋯

好耐冇食過，聽講就快冇得做，朋友喺外國返黎，真係要襯仲有機會就要再食下，下次再返黎就冇得食蕃茄牛通，蕃茄牛通加蛋，蕃茄牛麵都好好食以前多數下午茶時間黎好多人，原來早餐時間少人好多

本身見啲評論以為係蕃茄湯始祖 所以去試就叫左個蕃茄牛肉通粉 但真係好難食 個湯咸到傻 都唔知落左幾多鹽同味精 唔知係咪想逼人買埋嘢飲 仲要個湯一啲都唔似湯 傑身到 好似羮咁 係有啲蕃茄粒 但係水還水 蕃茄還蕃茄咁 真係史上最難食嘅茄湯 個牛肉都還好嘅 不過唔多 幾塊咁 肉質都唔係啲咩靚嘢 個通粉又唔係好熟咁 總結就係唔知食左啲乜嘢落肚 個環境又差 係sell懷舊 但係間鋪隔離左右都有啲雜 入面又唔好坐 衛生麻麻 個老闆態度都麻麻 一句講晒就係 冇咩事都唔洗去試

我喺星座冰室食咗佢嘅招牌菜🍅😋蕃茄芝士撈蛋公仔麵加埋午餐肉，真係一級棒啊！食落去，啲蛋彈彈牙，同啲麵條係好彈牙嘅口感，真係好過癮。每一口都讓我感受到濃郁的蕃茄和芝士的滋味🍅🧀，配上嫩滑的蛋🍳和香濃的午餐肉🥓，簡直是口感和味道的完美組合。仲有佢嘅醬汁，味道酸酸甜甜嘅🍅🍯，同啲芝士一齊食，真係好開胃。而且，呢間餐廳好有風味，好有年代感，真係好舒服嘅環境。入到去，就好似返到以前嘅香港🌆，仿佛時光倒流⏳。餐廳內部的裝潢和氛圍，讓我感受到濃厚的懷舊氛圍和傳統飲食文化🏮。坐低食嘢嘅時候，我彷彿能夠感受到過去的味道和情懷，帶給我一種溫馨和愉悅的感受🥰。這次的用餐經驗讓我更加期待下次再去星座冰室，我一定會再試吓其他嘅招牌菜🍜🥩🌟，探索更多傳統滋味的美食。星座冰室絕對是一個值得推薦的老字號餐廳，提供著經典和美味的食物，讓人回味無窮👍。

10幾年前好鍾意食，知道大廈要拆，餐廳將會結業，本心諗住趁仲有嘅時候去食多餐！ 但實在太令我失望，記得第一次食嘅時候驚為天人滿滿嘅茄蓉舖面，真材實料，酸酸甜甜，連湯都飲埋！今日再去食，個湯只係死鹹嘅重茨湯底，面頭就少少蕃茄少少牛肉！幾啖就食完好似冇食過嘢咁⋯唉！

尋晚係Twins嘅演唱會，不經不覺佢地已經出道左22年，香港人見證佢地既成長。22年感覺好長，有好多事情喺中間發生，產生左好多唔同既回憶。佢哋中間經歷好多嘅挫折，但係到今日仲咁多人支持，因為佢地一直有專注於自己喜歡同埋應該要做嘅事。係香港一直唔喺主流嘅跳舞組合，可以堅持到今時今日，實在令人佩服。唔知要繼續做好呢件事再多些40年，佢地又做唔做到呢？ 66年開始經營的星座冰室，同Twins一樣，一直咁做好自己嘅本業，就咁樣已經做到第四代，時間係Twins既3倍。最近香檳大廈要重建，佢哋都因此就嚟要結業，有好多報導訪問林老闆。我覺得佢真係一個踏實又默默耕耘既人。佢既說話樸素，一啲吹噓都冇。淡淡咁道出左咁多年喺香檳大廈嘅所見所聞同各種變遷。佢冇羨慕唔同過客嘅風光，佢冇挑剔喺呢間大廈嘅各個行業。睇得出佢就係只要專注於自己所做嘅工作，融合於食客。禮記之中，敬業樂群，說來容易，我相信星座冰室喺呢66年入面，真正咁做出左個典範。 🍖我自己幫襯過星座冰室好多次，呢日又黎到午餐，岩岩聽到隔離枱好大聲咁問:呢d咩黎架？我地明明叫左蕃茄牛肉通粉，點解會有塊雞皮？林老闆不慌不忙解釋係好正常既事，要熬個雞湯出黎，

幫襯左呢間老牌茶餐廳已經20幾年，最鐘意係小店嘅舊式老店情懷，雖然唔可以講得上非常好食，但係咁多年都keep到水準，今日叫咗蕃茄雞絲撈蛋公仔麵$50，雞絲好夠味，而且大大碗，一定夠食!

第一次食呢間蕃茄麵係喺中學年代，仲記得第一次去食勁難搵，因為佢喺尖沙咀香檳大廈斜路嗰邊入口，仲要經過人哋間舖，行去好似後巷嘅盡頭再兜入去先係。早幾年有傳會執，好似話棟大廈會收返，但執極都仲喺度🫢 不過最唔同嘅係，愈嚟愈少人食，我上次去大約8/ 9點，得我一枱客😂基本上我單拖去食嘅話，一定係食呢個 #蕃茄豬扒麵 ，超多蕃茄汁，個麵掛晒汁，再加上個豬扒都入味。檯面有一大盒冬菜，我次次仲會落勁多食🤣🤣不過不得不提，除咗位置隱蔽之外，其實行入去條行都有少少陰暗，成日都見到有老鼠曱甴出沒🫢 衛生麻麻😂

朋友帶路嚟到一間非常懷舊嘅冰室，真係估唔到尖沙咀鬧市中會有間咁古老嘅冰室🤭連門口都要搵吓先入到😂不知不覺走入咗一個商場門口，穿過一條好隱蔽嘅走廊彷彿穿越回到七八年代嘅舊香港🇭🇰，而呢間冰室真係有超過50年嘅歷史，喺尖沙咀屹立半個世紀真係唔容易，可以喺消失前親身嚟到表示興奮🥰餐牌好簡單，分咗熱飲、凍飲、早餐、全日茶餐、小食、蕃茄麵、蕃茄撈蛋麵、其他精選粉麵同埋三文治.多士，我哋兩個人都選擇咗🍅蕃茄麵🍜各自加唔同嘅餸😋每人一杯飲品同埋再share 西多士，呢餐每人平均$83，8-9成飽！🧀🍅芝士蕃茄牛麵🐂🍜 $44➕加煎蛋🍳 $6 （可以有好多配搭每加一餸$6）😋食後感：-講到明「馳名蕃茄湯底」當然要品嚐一下以蕃茄湯底為主嘅麵啦🍅🍜有好多唔同嘅配搭可以不停加🤩我選擇咗牛肉、芝士同煎蛋😋-成碗麵勁蕃茄，啲蕃茄蓉好好味🤤👍🏻麵係平時舊式茶餐廳/冰室專用嘅大光麵，加埋牛肉、芝士同煎蛋，豐富好味😋👍🏻✅必點🧋凍奶茶 $18😋飲後感：-嚟到舊式冰室更係要飲番杯奶茶啦🧋係杯度見到奶同茶嘅融合😂突然覺得好治癒☺️-好懷舊嘅味道，茶底正甜度剛好～正😋👍🏻奶茶控✅必點🧈西多士🍯 $30😋食後感：-咁邪惡😈嘅西

星座冰室一值人氣高企，隨着香檳大廈即將要拆，決定一黎試試點了芝士蕃茄撈蛋麵 （$44），撈完朋友話係嘔吐物麵。。賣相係唔吸引；味道驚喜係有麻油味同多蕃茄。撈左麵之後每條麵都有蛋汁。下次想食會返屋企自己煮。凍奶茶 （$18）我叫左少甜少冰。野飲完全唔得，雖然上枱係似茶味濃，飲落冇茶味；似飲緊糖漿水。要留意食物飲品係散叫，冇麵餐。 各位想黎食，我覺得要有心理準備會見到米奇老鼠先好黎食。（落得黎就拆嘅舊樓食嘢係預左會有）

香檳大廈地庫商店已經十室九空, 唯獨係星座冰室仍然人流不絕, 馳名茄牛麵聽就聽得多, 多謝帶路终於試到一人一碗, 上枱2碗都係滿滿嘅濃厚蕃茄湯, 淺色D既係撈咗雞蛋, 以為會係蛋花點知係咁樣混埋個人覺得通粉比公仔麵更夾蕃茄湯, 湯底濃厚度近乎燴麵level, 純粹係蕃茄蓉, 中間有粒粒鮮蕃茄, 牛肉唔算係上品但係冰室嚟講冇用鬆肉粉都唔錯, 最後連湯成碗清哂舊冰室既茶走有水準, 唔會太甜而且夠茶香夠順滑不過論CP值就平平, 每樣都係單點, 想叫返茶記常餐份量就要麵加全日茶餐, 接近90蚊