Outback Steakhouse (Moved) New Location

Item: Outback Steakhouse
Rating: 4
Author: choihw

3.5

171 Reviews

Taste

Decor

Service

Hygiene

Value

716

Hung Hom

$201-400

Australian Steak House

114

choihw

Level2

一直都係outback既粉絲因為呢間既品質keep得好好今次藉回英國之前再同J兄+令妹去刷番餐勁既由於我同J兄一直想試試呢到既燒牛肉所以特地選星期五黎食(燒牛肉星五六日先有供應) 好采一早book左位七點鍾去到已經排哂長龍喇入坐無耐有位男waiter就話我地知宜家係happy hour 啤酒two for one咁正~唔洗諗緊係一人一杯啤啤佢先啦知道outback既份量一向唔少所以我地兩男一女只叫一個starter兩個main courses分黎食三樣都係呢到既燃手菜分別係芝士薯條, Ribs併燒雞同埋燒牛肉Outback最出名除左牛扒外當然唔少得無限添加既黑糖包啦!!!!我地落完單後都超級期待呢個最佳配角出場因為真係好好食可惜等完又等都係無野黎只好吹吓位waiter啦又等左一段時間前菜SALAD都到左喇……包包都係未到……唯有再吹吹啦結果由落單到黑糖包上台用左15分鐘…...可能因為星期五晚忙啦…...anyway 個黑糖包正如我地所想既一樣熱烘烘的大大條唔會太過甜配合cream cheese食真係一絕! 完全令人忘記呢個包其實係飽肚之物~三人唔洗30

Read full review

知道outback既份量一向唔少所以我地兩男一女只叫一個starter兩個main courses分黎食
三樣都係呢到既燃手菜
分別係芝士薯條, Ribs併燒雞同埋燒牛肉

Outback最出名除左牛扒外當然唔少得無限添加既黑糖包啦!!!!
我地落完單後都超級期待呢個最佳配角出場因為真係好好食
可惜等完又等都係無野黎只好吹吓位waiter啦
又等左一段時間前菜SALAD都到左喇……包包都係未到……唯有再吹吹啦
結果由落單到黑糖包上台用左15分鐘…...可能因為星期五晚忙啦…...
anyway 個黑糖包正如我地所想既一樣熱烘烘的大大條唔會太過甜配合cream cheese食真係一絕! 完全令人忘記呢個包其實係飽肚之物~
三人唔洗30秒就清左盤~唔係講笑真係唔洗30秒原本諗住再黎多條
但及時醒起要留留戰鬥力比陣間既主角所以都係放棄左~

果然過左一陣一盤大大碟既魔物就送到我地眼前
黎OUTBACK食過咁多次今次係第一次食呢到既芝士薯條
先講講份量薯條之多唔洗多講啦但上邊既芝士加煙肉粒同樣比得絕不手軟喎
大大PAT熱辣辣既肥膩物包住每一條脆口澱粉質配mayo食無得彈啦~ 經驗話我知芝士薯條真係要襯熱食的所以我地3個再次用9秒9既時間食哂呢一大盤魔物!!!! 認真講句呢個份量呢種質素收呢個價錢絕對物超所值因為呢碟野真係好好好多芝士~ 出邊個啲冇得fight啦

又過左漫長既等待兩道主菜終於同時黎到
先講燒牛我地選擇用slow grill既方法去煮有三個份量供應8oz 12oz 14oz
原本打算小小地叫個8oz試吓就算點知當我地想要medium熟既時候個waiter竟然話8oz做唔到medium只可以做到medium-well done......結果無可耐何地唯有叫塊12oz啦講真outback咁樣限制生熟度啫係間接迫人食貴啲個種啫
試問邊有人食牛扒會食medium-well.... 點都好~兩個男人分一塊牛扒其實20oz都係濕濕碎既事~
番番入正題塊牛扒既medium講得出做得到切落去啲肉現淺紅色unun地但又唔會話出哂血水咁生好多出邊同級餐廳都做唔到呢點值得讚!
未食已經聞到香噴噴既炭火味混合著牛肉香一口咬落去半熟牛肉同油脂既口感真係好食絕對令人忍唔住去食第二舊
J兄食完呢塊久違既燒牛超級滿意話下次必定encore
若果唔理之前medium-well done既問題我都認同呢個燒牛絕對值得一試!

另一個主菜: Ribs配燒雞
燒雞可以選燒雞胸or 半隻燒春雞
唯一既女性話要食雞胸所以我地放棄左春雞
呢個豬雞配盤相比燒牛就略為遜色喇
因為雞肉燒得太過熟太過un 唔好食下次一定叫燒春雞睇落份量都多啲啦~!
至於個ribs係好食的但其實燒ribs呢樣野間間西餐廳既味道都相約ga啦
好少可難食只可以話呢到既ribs冇失手但又唔係超高水準
我覺得一試無彷但唔係必食