玉桃軒酒家 (鱷魚恤中心)

Open Now

Now Closed

今日今日試咗觀塘鱷魚恤中心玉桃軒，下午茶，可以網上book位，我哋大約等咗五分鐘就可以入座。環境境光猛，座位闊落。 一碟蜆蚧鯪魚球，煎炸唔油膩，魚肉無腥味， 可能有蔥讓入魚肉。卜卜脆脆腸：原來係炸兩，油炸鬼香脆，腸粉薄滑。迷你鹹魚雞粒炒飯，雖然見唔到鹹魚粒，但係有鹹香嘅味道，炒得夠乾身。可惜細碟咗少少。香芋燒腩卷，好有懷舊嘅感覺，燒腩肥瘦適中，包包軟淋淋。 蟹子燒賣，包住粒新鮮大蝦，熱辣辣味道不錯。麻辣豬耳仔，豬耳仔爽脆，好夠麻辣味，可惜我唔食得太辣，只食咗少少。貴妃雞湯米線，味道一般，而且雞應該用另外一隻碟仔上枱。