Video
Read full review
2014-08-03
1351 views
睇戲前同媽咪快食一餐，最重要唔使排隊（星期六真係好難）去到見門口無人！即刻攞飛仔！門口放個雪櫃放蛋糕，色彩繽紛好吸引！等咗十分鐘有位！一張靠牆六人枱！一邊梳化！一邊木椅！可惜梳化皮已經爛咗！呢度無兒童餐具！入口好窄！我張枱在最尾，兩邊放枱椅之後我行入去要好小心，因為隨時撞到人！難得星期六都有下午茶餐，問侍應茶餐份量會唔會好細，侍應哥哥話差不多，所以叫三個茶餐分享，再叫多個沙律！（因為要留肚食甜點）叫咗：茄汁吞拿魚意粉（茶餐）--茄汁比較水汪汪，掛唔到上意粉，醬汁味道似「地X茄汁吞拿魚」，不過味道又唔差，如果杰身啲就好好多，意粉有咬口，唔會軟淋淋，蕃茄碎同吞拿魚好夾！菠菜蘑菇忌廉意粉（茶餐）--菠菜無怪味（三隻馬騮都肯食）蘑菇片煙韌，忌廉汁都係同樣問題，較水汪汪，味道唔錯！都係要杰身啲！廚師薄餅（茶餐）--上菜仲熱辣辣，尺寸唔大，薄批底，外皮好脆，芝士半溶，可以拉起一絲絲，配料唔多，只有三色椒絲同煙肉，煙肉焗到少許燶邊，好香脆，簡單已經好味，薄餅唔係鬥多材料，係要配搭得好！煙三文魚沙律--煙三文魚煙韌，正常，沙律菜新鮮爽口，沙律醬唔係好多，唔會浸住啲菜，配條焗脆麵包條，酸酸嘅蕃茄仔！面頭
茄汁吞拿魚意粉（茶餐）--茄汁比較水汪汪，掛唔到上意粉，醬汁味道似「地X茄汁吞拿魚」，不過味道又唔差，如果杰身啲就好好多，意粉有咬口，唔會軟淋淋，蕃茄碎同吞拿魚好夾！
菠菜蘑菇忌廉意粉（茶餐）--菠菜無怪味（三隻馬騮都肯食）蘑菇片煙韌，忌廉汁都係同樣問題，較水汪汪，味道唔錯！都係要杰身啲！
廚師薄餅（茶餐）--上菜仲熱辣辣，尺寸唔大，薄批底，外皮好脆，芝士半溶，可以拉起一絲絲，配料唔多，只有三色椒絲同煙肉，煙肉焗到少許燶邊，好香脆，簡單已經好味，薄餅唔係鬥多材料，係要配搭得好！
煙三文魚沙律--煙三文魚煙韌，正常，沙律菜新鮮爽口，沙律醬唔係好多，唔會浸住啲菜，配條焗脆麵包條，酸酸嘅蕃茄仔！面頭有芝士粉！good!
朱古力蛋糕（兩件）--厚cream好滑，唔會過甜！朱古力味濃，蛋糕鬆軟！good!
餐飲熱檸茶--普通茶包沖！正常！
服務嘅男仔都幾勤快，明顯係新手，因為都要問其他店員，不過態度幾好！食物上菜好快到，餐廳無廁所，要行幾遠去商場廁所，唔係幾方便！
Post
