Video
Read full review
2018-11-10
82 views
無lala 星期六要開OT，未食早餐就要返工都真係灰灰地☹️好彩我快手快腳搞掂晒啲嘢仲趕得切去食返個lunch，一於同埋同事去搵食極都唔厭嘅日本野cheer up下大家先😊登龍街真係好多日本餐廳，今個lunch同事介紹我去左永光中心嘅勝八居酒屋，可能係星期六嘅關係，人少少唔需要等位，最開心嘅係竟然星期六都有好多款set lunch 比我地選擇😊「黃金蟹肉飯定食」我選擇咗一個黃金蟹肉飯定食真係分量十足！每一個定食都附送前菜、沙律面鼓湯，都真係好豐富。講返主菜先，個黃金蟹肉飯啊完全被蟹肉蟹子同明太子舗滿整個飯面，真係餸仲多過飯，而且啲蟹肉又多又鮮甜，每啖擺入口嘅都係蟹肉蟹子同明太子，真係以為自己只係叫咗個先拆蟹肉加明太子同蟹子，呢個飯真係啖啖肉，餸仲多個飯性價比極高。呢個跟餐的面鼓湯都唔好睇小佢，味道一流而且仲有好多櫻花蝦係入邊增加佢嘅鮮甜度！我真係有啲衝動想嗌多碗來湯飲。同事就不嬲都有選擇性困難嘅，佢就貪心啲叫咗一個自選一人套餐嚟食！今次佢選咗「三文魚他他冷烏冬」併「西班牙豬肋骨丼」！同事話三文魚他他冷烏冬嘅烏冬夠晒彈口，好QQ，而三文魚他他係火炙三文魚完全將鮮味提升，由於口感清新唔使三2
登龍街真係好多日本餐廳，今個lunch同事介紹我去左永光中心嘅勝八居酒屋，可能係星期六嘅關係，人少少唔需要等位，最開心嘅係竟然星期六都有好多款set lunch 比我地選擇😊
「黃金蟹肉飯定食」
我選擇咗一個黃金蟹肉飯定食真係分量十足！每一個定食都附送前菜、沙律面鼓湯，都真係好豐富。
講返主菜先，個黃金蟹肉飯啊完全被蟹肉蟹子同明太子舗滿整個飯面，真係餸仲多過飯，而且啲蟹肉又多又鮮甜，每啖擺入口嘅都係蟹肉蟹子同明太子，真係以為自己只係叫咗個先拆蟹肉加明太子同蟹子，呢個飯真係啖啖肉，餸仲多個飯性價比極高。
黃金蟹肉飯定食
$148
7 views
0 likes
0 comments
呢個跟餐的面鼓湯都唔好睇小佢，味道一流而且仲有好多櫻花蝦係入邊增加佢嘅鮮甜度！我真係有啲衝動想嗌多碗來湯飲。
同事就不嬲都有選擇性困難嘅，佢就貪心啲叫咗一個自選一人套餐嚟食！今次佢選咗「三文魚他他冷烏冬」併「西班牙豬肋骨丼」！
同事話三文魚他他冷烏冬嘅烏冬夠晒彈口，好QQ，而三文魚他他係火炙三文魚完全將鮮味提升，由於口感清新唔使三2分鐘佢就食晒唔肯比我食，但雖然冇試過，單睇買相就真係好吸引我下次一定要試試。
哈哈，至於個西班牙豬肋骨因為份量實在太多嘅關係我就有幸可以試到一件西班牙豬肋骨啦！
嘩！呢個西班牙豬肋骨真係唔係講笑，真係豬有豬味，豬味濃，而且肉質嫩滑，有好多肉汁，如果係食緊西餐的話我一定係估佢係用slow cook嘅方法來煮先會有咁鮮嫩嘅感覺，但日式嘅煮法我就真係唔識啦，我真係有啲衝動想問吓廚師佢究竟係點樣煮嘅，不過都係再幫襯多幾次同廚師熟啲我先問啦！
最後食埋呢個跟餐送的雪糕甜品就真係大滿足，將呢一個要開OT嘅星期六而變得灰爆嘅我變返做一個開心快活人去享受埋餘下嘅星期六日假期。
Post
