Video
Read full review
2021-10-16
825 views
至從肺炎之後都冇同婆婆出黎飲過茶。今日婆婆有興致想同我地兩個孫坐下食下hea下，就揀左呢間良心點心店食早餐。總括而言，雖然佢可能比出面好多正統大茶樓貴少少，但質素絕對比佢地高。啲點心啱味——好似碟燒賣咁，蝦多過肥豬肉，唔會好似其他地方咁食到成口油咁。仲有個牛肉球，難得真係有牛味。味精唔重，食完唔洗狂飲水。我嘅重點推介會係佢嘅薑汁糕，煙韌唔甜，我地數過有成11層咁多！（其實千層糕好晒功夫嫁～）服務好，大家都好有禮貌，地方有乾淨企理，疫情大家都係求食得安心姐☺️😇
今日婆婆有興致想同我地兩個孫坐下食下hea下，就揀左呢間良心點心店食早餐。
總括而言，雖然佢可能比出面好多正統大茶樓貴少少，但質素絕對比佢地高。
啲點心啱味——好似碟燒賣咁，蝦多過肥豬肉，唔會好似其他地方咁食到成口油咁。仲有個牛肉球，難得真係有牛味。味精唔重，食完唔洗狂飲水。
我嘅重點推介會係佢嘅薑汁糕，煙韌唔甜，我地數過有成11層咁多！（其實千層糕好晒功夫嫁～）
薑汁糕
20 views
0 likes
0 comments
服務好，大家都好有禮貌，地方有乾淨企理，疫情大家都係求食得安心姐☺️😇
Post
