籠太子點心專門店 (Closed)

本來打算去時代廣場食上海菜，點知去到連排隊都冇得排，原來要預早成個禮拜打電話訂位先有，真係好好生意。誤打誤撞搵咗呢間專做點心嘅餐廳食個下午茶，位置好方便，而且餐廳入邊嘅座位都好闊落。首先值得一讚嘅係食物都係新鮮出爐，所有食物連埋杯茶都好熱咁上枱，而我覺得食點心最緊要係夠熱！我哋叫嘅都唔係啲咩太特別嘅點心，蝦餃燒賣都做得相當有水準，蝦餃皮夠薄，燒賣夠彈牙。小籠包的確好多汁，只係略嫌接口位嘅皮做得太厚。叉燒腸嘅腸粉皮都夠晒簿。雪山叉燒包同埋糯米雞我覺得就同出邊酒樓食嘅差唔多啦。而且餐廳嘅侍應都好有禮貌，成個氣氛都相當唔錯，以上我哋食咁多嘢兩個人埋單都係$174 ，性價比相當高。