稻香 (Closed)

星期日訓到1點幾，換好衫就如常去酒樓飲茶，當車去到稻香時見到門口不是太多人等位，於是就泊好車決定在此食。我們平時都常在此食午餐，一至五的點心好低食，就算炒粉飯水準尚可，份最不少。今日是星期日，等了15分鐘不算太耐，坐定後叫了一碟炸菜肉絲<文>米<$38>，一碟油菜<12.8>。叫了半小時後才有得食，其間也有追單，侍應也有禮幫我們查有無漏單，我們最覺得出奇的是碟油菜仲要耐過個米粉到，足足要40分鐘才上台，好奇心下問傳菜來的阿姐點解淥菜要咁耐，佢話正常都要半小時的，加上今日多人，這裡係咁的啦！！之後我們就明白了，繼續食。米粉好大碟，粉質是台灣米粉，我就正是最愛食台灣米粉的質感，加上夠熱同的味剛剛好，炸菜絲細條也不太喊，個色仲幾吸引，一上台我們就大口大口的ko佢！！滿意地清底，碟這底不油！！好食！但碟油菜就麻麻了，淥得太淋似入口即溶，但免浪費也食清哂！！二個人$75食飽飽都總算驚喜！！另外，我常在此買的凍櫃外賣叉燒飽同奶黃飽回家蒸來食，每包4個$8一包，同堂食的一樣，有時當早餐/宵夜一流！！推介！！