Video
Read full review
2021-01-17
3370 views
星期日又係一家人去飲茶嘅時候。我哋其實來來去去都係去嗰幾間😄今日又去益新美食館。益新係老牌粵菜餐廳，屋企人鍾意食傳統點心，有情義結，所以成日都會去幫襯。➡️「明爐琵琶鴨」（$230）必食推介！我好怕食皮，好怕肥冧冧，不過益新嘅琵琶鴨，我係會食埋D皮嘅。佢哋燒到塊皮好有光澤，而且好香脆。肉質嫩滑又多汁，沾少少汁就更加令人食唔停口。➡️「鮮蝦腐皮卷」（$48）腐皮卷入面加左紫菜，有D新鮮感。蝦肉彈牙、鮮甜。另外仲加咗D芹菜碎同馬蹄碎，口感變得清爽。➡️「瑤柱菜苗餃」（$48）菜苗餃入面有冬菇粒、蝦仁同豆苗，瑤柱就唔係好覺有😅餃皮好薄，煙韌，就算凍左都唔會硬同實。燒賣、叉燒包同臘腸卷都係優良品質，我就唔再介紹喇。➡️「佛山燻蹄」（$90）燻蹄同肴肉都係老爺喜愛嘅食物。我自己就唔鍾意食嘅😅老爺話益新做得好食，而且份量大，我哋都食唔晒，要拎返屋企。➡️「益新三寶腸」（$70）三寶腸有：蝦腸、牛肉腸同叉燒腸。蝦腸麻麻地。D蝦好細隻同唔夠新鮮，有D霉霉地😓叉燒同牛就OK。餐廳裝修比較懷舊。疫情關係，枱與枱之間隔得好開，坐得舒服。我好怕同其他人坐得太近，連別人傾計內容都聽到嗰種🙅🏻♀️一班伙記都係做咗好耐，個個
➡️「明爐琵琶鴨」（$230）
必食推介！我好怕食皮，好怕肥冧冧，不過益新嘅琵琶鴨，我係會食埋D皮嘅。佢哋燒到塊皮好有光澤，而且好香脆。肉質嫩滑又多汁，沾少少汁就更加令人食唔停口。
➡️「鮮蝦腐皮卷」（$48）
腐皮卷入面加左紫菜，有D新鮮感。蝦肉彈牙、鮮甜。另外仲加咗D芹菜碎同馬蹄碎，口感變得清爽。
➡️「瑤柱菜苗餃」（$48）
菜苗餃入面有冬菇粒、蝦仁同豆苗，瑤柱就唔係好覺有😅餃皮好薄，煙韌，就算凍左都唔會硬同實。
燒賣、叉燒包同臘腸卷都係優良品質，我就唔再介紹喇。
➡️「佛山燻蹄」（$90）
燻蹄同肴肉都係老爺喜愛嘅食物。我自己就唔鍾意食嘅😅老爺話益新做得好食，而且份量大，我哋都食唔晒，要拎返屋企。
➡️「益新三寶腸」（$70）
三寶腸有：蝦腸、牛肉腸同叉燒腸。蝦腸麻麻地。D蝦好細隻同唔夠新鮮，有D霉霉地😓叉燒同牛就OK。
餐廳裝修比較懷舊。疫情關係，枱與枱之間隔得好開，坐得舒服。我好怕同其他人坐得太近，連別人傾計內容都聽到嗰種🙅🏻♀️
一班伙記都係做咗好耐，個個都好有經驗同禮貌。收碟、沖茶嘅速度都好快。
Post