八月花 (Moved) New Location

星期天到九龍塘又一城八月花飲茶， 一早已經知道一定大排長龍， 所以我預早在網上已經攞飛等位， 揸車去到時間剛剛好。 店內環境舒適，燈光柔和。 但到達時間已經下午三點鐘， 有很多點心已經賣完了。 當日就叫了以下四款～蝦餃$44、 鮑汁炆鳳爪$50、 韭黃鮮蝦腸粉$43、 蝦子蟹肉炆伊麵$128。鮑汁炆鳳爪～ 超濃郁的鮑汁， 鳳爪煮得又腍又入味， 花生也很腍身。蝦餃～餃皮皮薄而軟帶半透明，蝦肉爽口彈牙，餃內有肉汁，好味。韭黃鮮蝦腸粉～ 很大粒的蝦仁， 賣相脹卜卜的， 蝦肉爽口新鮮， 真是一百分。蝦子蟹肉炆伊麵～ 我最喜歡吃伊麵， 再配上 蝦子和蟹肉， 更加鮮味。八月花水準高， 無論食物質素、服務態度和環境， 令人很快就愛上的中菜館。