沾仔記 (兆英商業大廈)

Open Now

Now Closed

難得嚟到中環區，欣賞到五光十色嘅街道，佈置得美輪美奐嘅購物中心。今年縱然回復返以往嘅聖誕裝飾，但係由於第四波疫情來勢洶洶，因此夜晚嘅中環區都頗為冷清。我地去咗激安殿堂逛咗一圈之後，就行過對面街口嘅沾仔記食麵，去到門口我先知原來佢係米芝蓮嘅食店！夜晚八點，食店內未有人幫襯，於是我地就坐低點餐啦。話明係米芝蓮雲吞麵，咁就當然係點招牌雲吞麵啦！幾分鐘後兩碗熱辣辣嘅星級雲吞麵送到！而且仲有三大粒鮮蝦雲吞，絕無欺場！此店並無茶水供應，但係匙羹用透明膠盒密封，十分衞生。生麵爽口彈牙，鹼水味唔太重，湯底我估係用蝦殼餚製，非常鮮味，飲曬啲湯都唔覺得太口渴！每碗雲吞麵索價$34，平過一般茶記，仲要係喺中環區喎，簡直難以置信呀！