Video
Read full review
2024-10-22
574 views
收工，去咗間灣仔（銅鑼灣站出）嘅居酒屋”昭和食堂”chill 吓，嘢食相當唔錯！首先環境，簡直係去咗日本。周圍都係日式裝修，燈籠，海報，就連燈光都完全係日式感覺，我感覺上連呢度嘅食客都好似日本人咁兮。不過更令人滿足嘅係佢嘅菜式：昭和特上盛合 - $398.0呢個係廚師安排嘅盛盒刺身，用上日本海膽魷魚卷、拖羅、大蝦、吞拿魚同油甘魚組成。刺身夠凍，夠厚身，每一塊食落都新鮮無比，極之滿足！清酒烏龍青口 - $78.0帶有蒜蓉、清酒同烏龍味嘅嘅青口。呢個青口食落係好夠味道，湯料同青口，相當夾。炸櫻花蝦豆腐 - $58.0基本上一定好食嘅櫻花蝦豆腐。除咗櫻花蝦本身，上面仲落咗辣椒蘿蔔蓉，所以食落去會有少少辣。炸豆腐本身夠熱。已經唔會輸。雞大動脈 - $70.0呢度嘅奇特串燒。到底咩係雞大動脈？答案係煙靭但同時有實感嘅肉質。加上佢嘅秘製醬汁，其實好難有其他部位有佢接近嘅味道同口感，相當奇特。煙肉蠔- ＄60.0其實佢有兩件，但我食咗一件先記得影😂。估唔到煙肉同蠔可以咁夾，因為蠔肉軟腍又濕潤，同硬脆嘅煙肉一碰起嚟就有火花。雪花牛柳 - $65.0牛柳相當軟腍，雖然唔算好有油脂感，但係牛味相當足夠，佢
首先環境，簡直係去咗日本。周圍都係日式裝修，燈籠，海報，就連燈光都完全係日式感覺，我感覺上連呢度嘅食客都好似日本人咁兮。不過更令人滿足嘅係佢嘅菜式：
昭和特上盛合 - $398.0
呢個係廚師安排嘅盛盒刺身，用上日本海膽魷魚卷、拖羅、大蝦、吞拿魚同油甘魚組成。刺身夠凍，夠厚身，每一塊食落都新鮮無比，極之滿足！
清酒烏龍青口 - $78.0
帶有蒜蓉、清酒同烏龍味嘅嘅青口。呢個青口食落係好夠味道，湯料同青口，相當夾。
炸櫻花蝦豆腐 - $58.0
基本上一定好食嘅櫻花蝦豆腐。除咗櫻花蝦本身，上面仲落咗辣椒蘿蔔蓉，所以食落去會有少少辣。炸豆腐本身夠熱。已經唔會輸。
雞大動脈 - $70.0
呢度嘅奇特串燒。到底咩係雞大動脈？
答案係煙靭但同時有實感嘅肉質。加上佢嘅秘製醬汁，其實好難有其他部位有佢接近嘅味道同口感，相當奇特。
煙肉蠔- ＄60.0
其實佢有兩件，但我食咗一件先記得影😂。
估唔到煙肉同蠔可以咁夾，因為蠔肉軟腍又濕潤，同硬脆嘅煙肉一碰起嚟就有火花。
雪花牛柳 - $65.0
牛柳相當軟腍，雖然唔算好有油脂感，但係牛味相當足夠，佢亦都特登做到 medium 成熟度
。
朝鮮醬雞翼 - ＄30.0
簡單嘅雞翼發揮亦相當唔錯。除咗有朝鮮醬加持，佢將雞翼劏開一半，所以有一半係冇骨嘅。
白子 - $128.0
真正隱藏大佬。
加入蘭王蛋一齊食嘅白子，蛋味十足，白子色澤潔白，接近入口即溶，質感滑溜，味道鮮甜。係非常奇特嘅終極美食。當然，未必個個接受到白子嘅味道同質感。但呢度的確做得唔錯。
相當滿足嘅晚餐！
除咗多嘢食，好多嘢都好有特色，甚至喺其他地方食唔到。加上呢度嘅環境，真係可以輕鬆吓，舒緩一下平日工作嘅辛勞。
Post
