Video
Read full review
2021-10-09
36 views
呢間舖頭一直都係我嘅口袋名單裏邊，雖然舖頭嘅外表平平無奇，但係食過嘅朋友都覺得好正，所以終於的起心肝同朋友去試吓。一入到去估唔到餐廳走懷舊日本昭和風格，有超級多嘅日本poster模型，配合返懷舊嘅日文歌曲真係勁有feel。今次我哋叫咗極上壽司定食，拖羅丼定食，同埋帶子加三文魚刺身。首先出場嘅係拖羅丼定食，一睇張相就知道佢用了好豐富，拖羅，炙燒拖羅同埋吞拿魚茸都喺同一碗飯入邊，仲要加入識得動L嘅蛋黃，真係睇見都已經好想食！每一口都食到吞拿魚唔同嘅口感同埋油香，每塊魚肉都好大塊而且超新鮮，而家諗起都好想食多碗啊！極上壽司定食一份有十種唔同種類嘅壽司，每一款都好新鮮，而且佢哋都遵從日本嘅方式唔會有太多嘅白飯，可以完完全全享受到海鮮嘅鮮甜味。我自己最鍾意係佢嘅海膽壽司，入口會滲出海膽獨有嘅鮮甜味出嚟，完全唔會有坊間嗰種好臭嘅海水魚腥味，同喺日本食到嘅味道有得揮架。炙燒左口壽司我自己都好推薦，因為表層有烤過嘅關係，所以入口油香十足，而且魚嘅肉質都保持得好好唔會好乾，油香滲入壽司飯真係一流嘅享受！我同朋友仔另外叫咗三文魚腩同埋帶子刺身，三文魚腩刺身每一件都係厚切超大件，每一口都食得出新鮮三文魚嘅味
一入到去估唔到餐廳走懷舊日本昭和風格，有超級多嘅日本poster模型，配合返懷舊嘅日文歌曲真係勁有feel。今次我哋叫咗極上壽司定食，拖羅丼定食，同埋帶子加三文魚刺身。
首先出場嘅係拖羅丼定食，一睇張相就知道佢用了好豐富，拖羅，炙燒拖羅同埋吞拿魚茸都喺同一碗飯入邊，仲要加入識得動L嘅蛋黃，真係睇見都已經好想食！每一口都食到吞拿魚唔同嘅口感同埋油香，每塊魚肉都好大塊而且超新鮮，而家諗起都好想食多碗啊！
極上壽司定食一份有十種唔同種類嘅壽司，每一款都好新鮮，而且佢哋都遵從日本嘅方式唔會有太多嘅白飯，可以完完全全享受到海鮮嘅鮮甜味。我自己最鍾意係佢嘅海膽壽司，入口會滲出海膽獨有嘅鮮甜味出嚟，完全唔會有坊間嗰種好臭嘅海水魚腥味，同喺日本食到嘅味道有得揮架。炙燒左口壽司我自己都好推薦，因為表層有烤過嘅關係，所以入口油香十足，而且魚嘅肉質都保持得好好唔會好乾，油香滲入壽司飯真係一流嘅享受！
我同朋友仔另外叫咗三文魚腩同埋帶子刺身，三文魚腩刺身每一件都係厚切超大件，每一口都食得出新鮮三文魚嘅味道一啲都唔腥，而且肉質都好結實，絕對係高質嘅象徵。而帶子刺身一直都係我最鍾意食嘅刺身，今次舖頭提供嘅絕對冇令到我失望，每一片刺身都好大塊好厚，而且因為佢利用檸檬伴碟嘅關係，所以每一口都會食到微微檸檬清新嘅香味。總括嚟講呢一餐我個人真係極度推介，我朋友都覺得CP值好高，大家如果想食日本料理嘅話我都好推薦大家嚟試吓架！
Post
