聚友 (Closed)

約4年前有班窮鬼攪咗個窮鬼飯局，居然之是以合理，最好是平嘅價錢食到好嘢，當年每位約$100便可埋單，大家可知物價騰貴，濶別4年，第一砲在剛搬新鋪之聚友，是晚5圍，窮鬼幫主已寫下菜單，定價每位約$190(最後亦係$190一位)，呢班除咗係窮鬼外，仲係酒鬼，大部分同行食友都帶威士忌、紅酒、白酒，而咁啱跟我同枱而英文名又一樣之食友，一樣帶清酒，而又咁啱我又在早幾晚一間日本酒行10週年上飲過其清酒，配濃味、滷水食物一流，我眼見最平嘅酒最少都$200，甚至過$1,000，那說好的窮鬼在那？是個騙局？當然有食友繼續呃酒飲、搏命地飲人哋之靚酒，有些人性格如此，是改不了！大部分食物水準都做得不錯，較為出色有五味鵝同台山黃鱔飯，兩款菜式都是台山名物。五味鵝，鵝要用75天老鵝，約3至3.5斤，再用醬油、醋、冰糖、酒、甘草、桂皮等熬成的，皮不會過肥，肉質幾嫩，最正個汁，甜甜地，伴飯一流。台山黃鱔飯，足料之作，但又其實唔係好多材料，只是黃鱔絲、薑、蔥同飯就可以做得如此精彩美味？其實還加入新鮮黃鱔血，才能夠帶出這效果，黃鱔幼嫩肉爽，蔥花夠香，飯粒分明(雖然有些飯撈得不夠均勻)，煲底啲飯焦先係極品！期待下個月之窮