名朝特色火鍋 (Closed)

好耐冇食打邊爐放題，呢間2.5 hours任飲任食真係幾抵食，仲包熱盤、飲品和甜點。首先揀左湯底，然後order火煱料，可以自己出去揀蔬菜和麵類。我揀左個精選藥膳湯底，健康D，下次可以試佢個黑松露芝士湯底！仲有刺身食，真係要咩有咩！緊係要無限量食肥牛，美國特級肥牛，手切肥牛和鮮滑牛肉，質量都唔錯。當然唔少得其他配料，有海鮮喎！除左打邊爐，好鐘意佢個甜品部，有好多選擇，係其他hot pot 店真係未見過。椰汁紫米和冰糖雪耳糖水唔係流架。仲有流心抹茶蛋糕、梳乎厘，都係即整！以為自己去左食甜品buffet。好好彩仲有個咁靚既景望！熱盤有不少選擇。雖然佢有好多韓國啤酒，但係唔飲酒，可以試下呢個，peach味真係幾好飲，仲有粒粒果肉。