名朝特色火鍋 (Closed)

星期六晚，傻傻的沒有訂座下想食任食火鍋去到某酒樓，超誇張的人潮唯有去出名多任食火鍋既莊士倫敦廣場亂打亂撞 終於搵到間肯派飛同目測不用等太久的店門口已寫上三文魚，韓國蠔暫停，還有卡機壞了，只收現金再口述，牛肉供應也有限帶住2老，都唔想走來走去，唯有乖乖等入座收費$188 加1----全場自助呢個價錢本也不抱寄望想不到入到去更加失望配料種類少，無咩誠意，而且全是廉價貨肉類 只有冰豬肉片 冰鮮雞肉 ，終於見到限量冰牛肉，但賣相味道不討好.... 還好有手打墨丸，尚算彈牙海鮮有指甲般大的蜆同冰蝦幾隻蔬菜類更加少.....比日式火鍋放題的選擇還要少！飲品選擇也不錯甜品沒有雪糕，全店最有誠意的是即製 心太軟及疏乎厘熟食的炆冬菇算是全場最美味的食物了醬料：豉油可以無味....麻醬都無.......總括 呢個價錢，俾呢個食物客人，完全係叫人唔駛再黎～去吉X家仲好味～唔係因為地點，我諗一早玩完

首先自助形式，但欠缺店員招呼人客😓店內坐得十分擠逼，但明明另一邊很多位置～豬肉顏色呈灰色👎🏻好得人驚～貌似手打丸只食到成口粉味（完全欠肉味）勁失望～布甸甜品看似漂亮，但食落好實，冇乜味道😓藍莓芝士餅冇芝士味～加$68的安格斯牛肉冇乜牛肉味～$38的冰鮑魚勉強可以～一句講哂，除了飲品款式多及煱底吸引外，其餘沒有可取之處火煱店主打火煱料沒有一款令我食完想再食的感覺～難怪沒有人在這裏等位～沒有下次

星期六被人甩晒底，單拖去食火鍋放題，這間1個人食都畀入，店員都好好禮貌。湯底係藥膳鍋，聞落已經好香。食物則係全自助，全部自己出去拎，款式好多選擇，4個大雪櫃裝海鮮同肉類，甜品都好多款，最誇張係飲品櫃佔左成幅牆，足足有11個雪櫃放飲品，無敵多選擇。肉類、海鮮、丸子等菜類甜品，隔離有炸魚皮同響鈴。雪米糍、雪糕任食飲品選擇無敵多。最大感受係咩都多。

服務水平（差差差）：在門口等位時，那位店經理已好像不願做，沒有表情，冷漠加懶惰，從未見過這種低劣水平店經理，好似細路仔咁！店內更本冷氣不足夠，焗桑拿般食火鍋，已忍住坐下來！全場只得1/3入座，心想有點奇怪，奶野了！明明有很多空台沒人坐，但好似放工搭地鐵咁，系要迫死你，有點智慧都唔會這樣比位，一邊客人們迫在一起，一邊沒有人座，更本就無人食（死場黎）！唔掛之得，走果時，成十點，見到地下仲派傳單！完全沒有人招待 （我只是想叫湯底），沒人來問一下！差到不得了！仲以為湯底是自助，自己去拿！食物質素 (朝爆）：先講蝦，當然不是海蝦，但不是重點，十隻有8隻（Microsoft, 煤）的，是否新品種！墨魚丸細到像波子，新Design! 手切肥牛，碟上時，我真系驚驚地，以為車興啞黑色，原來肥牛亦有這特色，一碟算！其他食物，合埋眼，食飽算（隔離同我一起入座的肥小姐，仲快過我走＠＠"）！

甜品，係幾好食既但等勁勁勁勁耐第一個勁，等左六分鐘第二個勁，等左十分鐘第三個勁，等左十五分鐘前後等左半個鍾有多等四個勁，就係都仲要等六分鐘，態度勁差咁講話個個都係咁等！！！其實有幾多人都好似真係我咁等呢？？？

第一次食到唔願走嘅火鍋放題, 無論食物款式選擇, 飲品, 甜品選擇多, 而且時間夠充裕, 環境都不錯, 而且有好多特色嘢, 外面較難吃到點了好多火鍋配料, 鵝腸爽口, 白膳鮮甜新鮮, 牛骨髓牛味十足口感煙韌, 鮮蠔夠肥美鮮甜, 花膠厚身煙韌, 口感有嚼勁很難在外吃到這裡的菜, 菇類, 麵類都是自取, 想吃什麼自己取, 十分好的安排,己可控制分量甜品更是要必食, 士多啤梨口味梳乎厘及朱古力心太軟, 但好受歡迎, 要食要等等, 而抹茶心太軟更是不同時段推出, 我想吃時已太遲, 埋單了. 而且仲有豆漿及豆腐花, 好正好喜歡.整體這裡的食物不錯，最重要選擇包羅萬有，多來幾次都不會厭倦，計劃再跟多些朋友再來，好味道!

所有雪櫃嘅食材都好大陣“雪藏味“，煮完都仲有。丸類、水餃、雲吞真係要煮耐啲先好食。肉類都麻麻地，肥牛太多肥膏。食材質量比初期差咗好多。雖然有多款甜品，但甜品質素都係普普通通，焦糖燉蛋一啲都唔滑好硬身，連楊枝甘露都充滿人造芒果味。應該係最後一次食了。

老公愛食火鍋，佢話想試依間既宵夜火鍋，百零蚊，好抵食每次等個鍋滾起都需要d時間，所以去揀野飲、甜品，佢依度真係超多飲品款式。野飲我就唔每款講勒，highlight 一、兩款我覺得有特色架啦依個櫃上面個格既芒果味水，甜甜地，幾得意。依張相左上面的 香蕉latte 幾新穎啤酒我幾surprise 佢有hite既芒果味啤酒，雖然芒果味唔係好重，但微微芒果味點綴，ok 丫佢仲要有好多款甜唔，例如木槙槺布丁、法式燉蛋，啫哩......我試左個法式燉蛋，都幾滑因為個鍋都仲未滾，而依度仲有唯一既熟食 - 燘東菇，手掌心咁大粒，好滑、好入味，好好味湯底我地點左花膠雞湯，都幾多花膠不過雞肉因為滾得太耐，肉質有點......依度d蝦都幾大隻，肉質一般。我地仲叫左黑松露丸，不過味道唔夠濃。豬肉、牛肉質素一般。不過鮮蝦雲吞中既蝦都幾大粒，而且都仲有少少彈牙佢依度有3款啫哩食，仲有2款豆腐花。如果論飲品、甜品，依度真係俾人幾大滿足感；但因為黎依度係黎食火鍋，而依度既火鍋材料麻麻......

事關上星期和朋友慶祝生日，見有抵食火鍋，價錢合理。所以就上去試試。可惜大掉眼鏡，食物質素可接受，海鮮都算新鮮，環境就一般般，欠缺衛生，自助吧的菜放得亂七八糟，滿地垃圾，我還看見員工在抹台時把台上的垃圾和吃剩菜掃在地上，感覺就像街市一樣，十分惡劣。值得一提的是員工服務態度十分差！在我坐的那個位子 有名身材比較豐滿的男待應 為我們服務時 樣子黑黑實實不太滿意地服務我們 正當他為我們加水時 他毫不猶豫和理會我們 便把水一下子倒進鍋內 那時因為鍋在沸騰中 加進來的水彈到我們手腳 手腳都紅了 他連道歉都沒有。面不改容地繼續服務。態度超級差。經過今次 以後都不會再來吃

欠缺職員，員工既態度極差大部份食物都冇食物太少，想食既全部都冇吾好彩遇到一枱嗨爬既就會好吵位置好逼，每次有人行岀行入都票讓位或企起身但價錢超平，加1蚊有三文魚刺生任食

吾怪之得繁忙時段都仲有咁多位，樓上樓下都爆到七彩，這間竟然仲有大把位，原來真的中伏了，食物是出去自取，既不新鮮又少選擇，蝦及生蠔都是霉的，肥牛只有肥膏沒有肉，話就話加一蚊任食三文魚，每次落單兩個人只有四小片，真心覺得好似乞咁，吾食好過食，叫多幾次，你吾煩我都覺肉酸，既然比得咁孤寒，就吾好定一蚊啦！D食物真係好好垃圾，見到都吾想攞，從未見過咁肉酸既牛肉，完全是下下下等貨，這間店誠意欠奉，不會再有下次

朋友生日，一行8人book左位唔洗等即刻就可以入座book位時餐廳講明7點半到都以7點入座計... 所以只可食到9點半本身諗住圓台方便傾計... 點知張台都大大地... 所以要好大聲講野先聽到...食物方面係自己出去雪櫃拎... 種類都ok夠... 質素普通...海鮮方面有蜆、蝦、細隻蟶子我地叫左個卜卜湯底(要另+錢，因同行有朋友鍾意食蜆)建議唔洗加錢叫呢個... 因為本身可以免費拎的...*肥牛有碎骨*蟶子有沙其他正常飲品方面竟然有益力多任飲... 所有飲品加埋有差不多10個雪櫃...選擇非常多... 仲有啤酒tim...如有朋友生日可事先同餐廳講..佢會準備一個有寫字的甜品給壽星...最大驚喜係梳乎厘比甜品店的還要好食....總括而言，值得encore! PS: 亦order左+$1任食魚生... 正常水準... 不過食到中途竟然無曬日本豉油無得refill

食物種類繁多，有蠔，有多款手打丸丸，+$68有8隻扇貝，每人+$1有三文魚刺身，粥底打邊爐很正， 粥底勁好吃，飲品都很多選擇，還有很多種類甜品， 梳芙里，夾餅， 芝士蛋糕， 很好！！ 值得讚賞！！另外，洗手間是我食那麼多間放題之中最清潔， 很抵讚！！

其實呢間名朝火鍋，我真係食過好多次，食左好多次，平時放假會即興中上去打邊爐，朋友生日，自己生日我都揀呢到，不過今次我呢晚生日邊爐就認真麻麻地⋯⋯早前已經打電話book左09-07-2017，6:00，7大1小，而且講左話想要圓枱，可惜今晚都係比長枱我，我問啲員工一問三唔知，我都算數！宜家名朝火鍋轉左自助形式咁，要乜都自己出去攞，當然咁都無話唔好既，就係客人食幾多自己攞幾多，但既然食物都由客人自取，咁樓面工作量相對減少左啦！點解都仍然無人執枱，收走唔要既碟？幾次都要我地叫人，我眼見幾個男員工，吹水吹到停唔到咀。好喇！另外最失望3大點就係店內無左自制綿花糖機，又無左軟雪糕機，同埋最最最失望係我幫襯咁多次，真係除左第一次幫襯食過一次朱古力心太軟之外，打後從來都再無食到過，今晚餐後我點左4個抹茶心太軟，順口問左一句點解成日都無朱古力心太軟？個店員語氣真係悔氣到爆，賣晒咪無囉！大嬸！我都係問句啫！洗唔洗咁惡死呀？我鬼知你地每日究竟賣幾多份朱古力心太軟呀？咁唔該下次調轉啦！賣晒抹茶味先再出朱古力味啦!最後一絕就係我早已聲明有人生日，想要個蛋糕，好喇！個蛋糕賣相不過不失啦！最抵讚係板上既生日字句，呢

原本到別家打邊爐，但沒位，才到這間「名朝火鍋」來。這店主要以自助形式進行，即絕大部份用以打邊爐的食物全放於數個雪櫃中，讓食客自取，而蠔和蝦則另行送上，另有甜品閣，有廚師不斷製作甜品，而飲品亦有七至八個雪櫃的數量選擇，當中有果汁有汽水，有紙包有啤酒，五花八門，選擇繁多。我們選擇先吃「原味雞煲」，味道就如走辣的「啫啫雞煲」，味道非常香濃，將沒味的冰鮮雞沾據，吃畢，便加湯打邊爐，這個吃法，便出現了一個問題，湯將油全都浮起了，很油，我們需要片油才能打邊爐。用作打邊爐的食物種類亦有很多，但絕大部份都極一般，當中只有牛肉和手打丸類是較好，例如豚肉，我不理解為何雪到結冰，需待稍溶雪才能放放到爐中生滾，唯入口沒味了。蠔和蝦則是店員送來的，蠔很腥，蝦則不錯，尚爽口的。甜品卻精彩得多了，那個焦糖燉蛋的蛋味濃而美味，燉奶白滑，非常精彩。雪糕也有很多選擇，只是太飽了，吃不來。環境和衛生方面，真的值得去擔心，地下沒有濕但很滑，真不理解為何如此，食客出出入入，驚險鏡頭屢見，可幸是沒人滑倒。以收費一百九十元一個成人而言，以食物種類來說是很抵吃，惜質素一般，環境也極一般，但飲品選擇之多，令人開懷，甜品絕對不錯吃，唯始