Video
Read full review
2015-03-03
3783 views
極力推介朋友去西灣河食Lunch... 貪佢食物好味, 餐廳又有特色, 不過我地今日好黑黑黑仔呀!!!去到梓桐堂, 發現餐牌無咗我最愛的海鮮炒飯, 都算啦, 咁叫其他炒飯啦, 咁都要叫錯個好難食的"炒蛋""菜飯", OMG!!!比D舊相大家對比下, 呢個係我最愛的海鮮炒飯, 飯身乾身粒粒分明, 加入了櫻花蝦、蟹籽、蝦、魷魚、蛋、蔥來炒, 有o趙頭之餘仲香口到無朋友, 每次都食到隻碟乾乾淨淨, 減肥…下次先!!!再望望個黑松露蝦球柱貝"炒蛋""菜飯"… 個賣相嚇死人, 無可否認, 黑松露的香味係好強烈, 但係將炒蛋放入口, 口感同賣相一樣嚇死人, 仲要唔好味, 隻蝦又唔新鮮, 呢碟餸我地食剩3/4…宮崎黑豚肉擔擔麵又係以前咁好食, 個湯稀溜溜, 味道唔夠香濃, 黑豚肉亦無以前咁有肉香, 問心, 唔似黑豚肉, 以前就肯定係…唔差在介紹埋早前假日食到的黑白胡椒雞同梅菜扣肉, Honey好鍾意食的, 真係唔知而家味道有無變動…無味精例湯及飯後甜品暫時仍Keep到水準…一心諗住帶力仔來食好o野o架嘛, 質數差咗咁多嘅? 激死!!!究竟係大廚閒口有第2份正職吖? 定係而家假日都係咁難食? 我放假都
極力推介朋友去西灣河食Lunch... 貪佢食物好味, 餐廳又有特色, 不過我地今日好黑黑黑仔呀!!!去到梓桐堂, 發現餐牌無咗我最愛的海鮮炒飯, 都算啦, 咁叫其他炒飯啦, 咁都要叫錯個好難食的"炒蛋""菜飯", OMG!!!
比D舊相大家對比下, 呢個係我最愛的海鮮炒飯, 飯身乾身粒粒分明, 加入了櫻花蝦、蟹籽、蝦、魷魚、蛋、蔥來炒, 有o趙頭之餘仲香口到無朋友, 每次都食到隻碟乾乾淨淨, 減肥…下次先!!!
156 views
0 likes
0 comments
90 views
0 likes
0 comments
唔差在介紹埋早前假日食到的黑白胡椒雞同梅菜扣肉, Honey好鍾意食的, 真係唔知而家味道有無變動…
77 views
0 likes
0 comments
無味精例湯及飯後甜品暫時仍Keep到水準…一心諗住帶力仔來食好o野o架嘛, 質數差咗咁多嘅? 激死!!!
究竟係大廚閒口有第2份正職吖? 定係而家假日都係咁難食? 我放假都唔知再唔再坐的士來食好…
唉, 好失落, 打算補飛, 行去太安樓搵CNN都有介紹的鴻記極品雞蛋仔, 又矇下矇下搵唔到...徒步行去筲箕灣東大街, 低調高手大街小食同印尼沙爹屋都無開, OH NO))))) 有無咁黑仔呀?!! 天呀…
好彩最後轉場去銅鑼灣食到咖啡弄, 唔係真係Hurt爆!!!
情侶們可考慮係海濱長廊散步談心...
Post
