Burgeroom (美麗華廣場1期) (Closed)

喺尖沙咀睇完戲，去咗美麗華行街，就同老公搵下有咩好嘢食，見到就喺美麗華廣場有間好出名嘅漢堡店。入到去覺得環境好有美式風格，座位都好闊落。我點咗煙肉芝士牛肉漢堡，份量真係好大份，成個包有手掌咁高。漢堡包面同底嘅麵包都煎得好香口，煙肉煎得好香，牛肉食落去牛味都幾重，再配上新鮮蕃茄同生菜。食落去可以減輕牛肉嘅膩口感覺。值得讚賞係，佢嘅芝士燒到溶溶地，入口濃濃芝士味。老公就點左大烤菇芝士牛肉漢堡，大烤菇煙熏味都幾重，老公大讚👍🏻。其他一樣都係有厚身牛肉，新鮮蕃茄同生菜。小食方面，我哋揀咗旋風薯條，炸得非常脆口，都幾厚身，所以啖啖薯仔味。仲點咗鱈魚手指配他他醬，份量有5件。炸皮都幾薄。鱈魚肉好鬆軟，配上他他醬口感一流。