Video
Read full review
2016-01-15
1802 views
「此小島外表多風光，可哀的是有人還住陋巷」作為香港開埠早期華洋雜處地區，中環有最高級嘅食肆，亦有普羅大眾醫肚嘅地踎小店。歷史傳承之下，盤根錯節嘅巷弄之中，隱藏著一個個排檔， 識途老馬，勞動大眾，自自然然識得嚟捧場。 水記位於吉士笠街，一條十個香港人中有九個聽都未聽過嘅街，如果唔係慕名而來，一世人都未必有機會嚟。 檔口位於斜路之上，細小整齊，自成天地，除牛腩牛雜，仲有雲吞魚皮餃豬肉丸，最奇妙係賣埋炸雲吞。坐位只有廿個左右，摺枱都要特別調較角度，而食客就要坐斜櫈，有時都擔心隻碗瀡落地，但只係有驚無險，亦係水記特色之一 山不在高，有仙則名，排檔雖小，各懷絕技。水記堅持用每日新鮮屠宰嘅牛雜牛腩，所以每日供應量有限，售完即止。其中罕有部位如牛沙瓜，每日只有兩三碗，一眾嘴刁老饗唯有晨早嚟到一飽口福。今次叫咗牛腩河，牛腩米。新鮮就是不一樣，肉味濃郁，腍滑無渣，湯底滲透著牛油香，五香味輕柔，唔似其他潮式粉麵，以花椒八角掩蓋牛肉臊味雪味，難怪老闆堅持用新鮮料，客人堅持幫襯水記。食完碗粉，連湯都飲埋，仍然全場爆滿，仲有人等緊位！快手埋單以免阻住
「此小島外表多風光，可哀的是有人還住陋巷」
作為香港開埠早期華洋雜處地區，中環有最高級嘅食肆，亦有普羅大眾醫肚嘅地踎小店。歷史傳承之下，盤根錯節嘅巷弄之中，隱藏著一個個排檔， 識途老馬，勞動大眾，自自然然識得嚟捧場。
水記位於吉士笠街，一條十個香港人中有九個聽都未聽過嘅街，如果唔係慕名而來，一世人都未必有機會嚟。
檔口位於斜路之上，細小整齊，自成天地，除牛腩牛雜，仲有雲吞魚皮餃豬肉丸，最奇妙係賣埋炸雲吞。坐位只有廿個左右，摺枱都要特別調較角度，而食客就要坐斜櫈，有時都擔心隻碗瀡落地，但只係有驚無險，亦係水記特色之一
牛腩河
$29
274 views
0 likes
0 comments
牛腩米
$29
199 views
0 likes
0 comments
山不在高，有仙則名，排檔雖小，各懷絕技。水記堅持用每日新鮮屠宰嘅牛雜牛腩，所以每日供應量有限，售完即止。其中罕有部位如牛沙瓜，每日只有兩三碗，一眾嘴刁老饗唯有晨早嚟到一飽口福。今次叫咗牛腩河，牛腩米。新鮮就是不一樣，肉味濃郁，腍滑無渣，湯底滲透著牛油香，五香味輕柔，唔似其他潮式粉麵，以花椒八角掩蓋牛肉臊味雪味，難怪老闆堅持用新鮮料，客人堅持幫襯水記。食完碗粉，連湯都飲埋，仍然全場爆滿，仲有人等緊位！快手埋單以免阻住地球轉，挾一口牛香，滿足完口腹之慾，緬懷香港多元歷史，感恩有一間有心經營嘅水記。
Post
