時代冰室 (公主大廈) (Closed)

「時代亅兩個字在這大半年觸動人心，而時代冰室係由蕭若元先生頂手舊址藍店開的。餐廳有點懷舊裝修，環境光猛。可能新開業關係，人流較多，人手唔太足夠，等餐時間比較耐。先來煎雙蛋和鮮油餐包，煎蛋未熟透，d蛋白仲未凝固得哂。蔥油滑雞我望左個menu幾秒已經鎖定食蔥油滑雞，平時茶記好少見到！先讚個雞湯底，真係用鮮雞煮出泥既湯咁，d米粉完全索哂個湯。雞肉肉質都好滑嫩，仲有條菜心，感覺好健康咁。厚切豬扒因為見到對面枱食緊既豬扒厚身得泥又大大塊，所以男朋友都唔執輸點左。雖然豬扒係厚切，但入口鬆化，一d都唔韌，而且食得出係用美極醃既。食物質素性價比高，黃色經濟圈又多個好選擇啦。