蝦川海鮮燒肉放題 (Closed)

食海鮮、燒肉放題嘅店實在唔少，但呢間新開、仲係試業嘅呢，就揀咗提供埋大閘蟹任食添嘞！$288一位包飲品(有啤酒)唔加一，已經係合理價錢，再加上大閘蟹任食喎，咁就梗係試吓啦！先講燒烤嘅食物，d海鮮係急凍食品，包括帶子、蠔、魚，全部都係連冰上，要烤熟呢就要多少少時間，同埋要自己調味。醃咗嘅呢有豬、牛、雞，款式唔算多，但都叫樣樣有d，而且調味可口。但對我嚟講，主角係大閘蟹！餐廳大約每15分鐘出一次，由專人行埋枱，每人分一隻。當然，你食得快可以自行問佢再攞。每隻上枱嘅都係剛剛蒸好，熱辣辣！呢期係公蟹，d膏香噴噴、痴立立，好味！再加上老闆自己砲製咗加料蟹醋，相得益彰！餐廳都幾細心，仲有一大煲薑茶俾大家自己匹嚟飲。環境乾淨企理，仲有幾張卡位。